Laus störf Hæfnileit Vinnustaðir Námskeið

Arion banki

Starfsfólk Arion banka er kjarninn í starfsemi bankans og kappkostar bankinn að búa vel að starfsfólki sínu. Arion banki er lifandi vinnustaður þar sem starfsumhverfið einkennist af fagmennsku, framsækni, umhyggju og tryggð Hjá Arion banka starfa um 900 manns, þar af eru 65% konur og 35% karlar. Kynjaskipting á meðal stjórnenda bankans er fremur jöfn og sama gildir um aldursdreifingu innan bankans en meðalaldur starfsfólks Arion banka er 42 ár. Fjölmargt starfsfólk hefur sýnt bankanum og forverum hans mikla tryggð og eru dæmi um að starfsfólk sé með meira en 40 ára starfsaldur. Meðal starfsaldur hjá Arion banka er tíu ár.

Vinnustaðurinn

Hefur þú áhuga á gervigreind, sjálfvirkni og umbótum?

Við leitum að öflugum og metnaðarfullum einstakling í teymið rekstur og þróun á fyrirtækja- og fjárfestingarbankasviði. Rekstur og þróun annast fjölbreytt verkefni fyrir fyrirtæki, sem og stoðþjónustu við önnur teymi sem sinna fyrirtækjum innan bankans. Helstu markmið teymisins eru að auka skilvirkni í þjónustu við fyrirtæki, stuðla að þróun stafrænna lausna og auka ánægju og tryggð viðskiptavina.

Um er að ræða nýtt spennandi starf sem felst meðal annars sinna gagnagreiningum, miðla niðurstöðum og taka þátt í frekari innleiðingu á gervigreindar- og sjálfvirknitólum fyrir sviðið, í nánu samstarfi við upplýsingatæknisvið bankans.

Helstu verkefni og ábyrgð

Vinna með starfsfólki þvert á sviðið til að skilja þarfir og tryggja aðgengi að gögnum sem nýtast í ákvarðanatöku.
Greina stór gagnasöfn og umbreyta gögnum til að styðja við rekstur sviðsins og veita hagnýta innsýn fyrir stjórnendur og teymi.
Fylgjast með þróun gervigreindar, vélrænu námi og öðrum tækniþróunum sem tengjast gagnavinnslu.
Greining og útfærsla sjálfvirkra ferla (RPA), þróun erindreka (e. AI agents) og annarra lausna sem auka skilvirkni og einfalda verkferla.

Menntunar- og hæfniskröfur

Háskólamenntun í verkfræði, stærðfræði, tölvunarfræði eða öðru sem nýtist í starfi.
Áhugi og þekking á gagnagreiningu, líkanagerð og forritun (SQL, Python, R eða sambærilegt).
Þekking á Power BI eða öðrum greiningartólum.
Þekking á sjálfvirknitólum, t.d. Power platform suite (Power Automate, Copilot Studio) og Blue Prism, er kostur.
Þekking á rekstri fyrirtækja, lestri ársreikninga og lykiltölum kostur.
Frumkvæði, nákvæmni og sjálfstæði í starfi.
Góð færni í mannlegum samskiptum.

Nánari upplýsingar um starfið veita Margrét Sveinsdóttir, forstöðumaður, [email protected] og Birna Dís Birgisdóttir, mannauðsráðgjafi, [email protected].

Umsóknarfrestur er til og með 22.02.2026.

Fullum trúnaði er heitið og öllum umsóknum verður svarað þegar ákvörðun um ráðningu hefur verið tekin.

Auglýsing birt9. febrúar 2026

Umsóknarfrestur22. febrúar 2026

Tungumálahæfni