Hekla er leiðandi fyrirtæki í sölu og þjónustu nýrra og notaðra bifreiða frá Audi, Volkswagen, Škoda, Mitsubishi og Ora, framleiðendum sem njóta alþjóðlegrar viðurkenningar fyrir gæði, öryggi og áreiðanleika. Hjá Heklu starfar samhentur hópur reyndra og þjónustulipra sérfræðinga sem hafa það að leiðarljósi að veita framúrskarandi þjónustu og ráðgjöf. Sterk liðsheild, fagmennska og metnaður einkenna fyrirtækið, sem hefur um árabil verið í fararbroddi á íslenskum bílamarkaði og leiðandi í sölu og þjónustu vistvænna ökutækja. Við bjóðum upp á alhliða bifreiðaþjónustu og rekum eitt fullkomnasta bifreiðaverkstæði landsins, búið nýjustu tækni og tækjabúnaði. Þar starfa þrautþjálfaðir bifvélavirkjar sem sinna fjölbreyttum og krefjandi verkefnum samkvæmt ströngustu gæðakröfum framleiðenda. Höfuðstöðvar Heklu eru að Þorraholti 2 í Garðabæ, þar sem aðstaða fyrir starfsfólk og viðskiptavini er til fyrirmyndar. Hekla er hluti af Jökla samstæðunni sem inniheldur m.a. félögin Heklu, Stillingu, Framrúðusöluna (CarGlass) og Dekkjasöluna. Þjónusta og sala Heklu snýst um þig.