Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Geislafræðingur - Áhugavert starf á deild skimunar og greiningar á Brjóstamiðstöð

Vegna nýrra verkefna og vaxandi starfsemi óskum við eftir metnaðarfullum geislafræðingi í okkar góða teymi á deild skimunar og greiningar á Brjóstamiðstöð. Í boði er góð einstaklingsaðlögun undir leiðsögn reynds starfsfólks og gott starfsumhverfi. Mjög góður starfsandi er ríkjandi og ótalmörg tækifæri eru til að vaxa í starfi og styðja við umbætur í þjónustu við skjólstæðinga okkar. Unnið er í dagvinnu virka daga.

Á deild skimunar og greiningar á Brjóstamiðstöð framkvæma geislafræðingar skimanir fyrir brjóstakrabbameini og klínískar myndgreiningar brjóstameina. Geislafræðingarnir ferðast einnig út um allt land og framkvæma þar brjóstaskimanir. Starfið er mjög fjölbreytt og mikil tækifæri fyrir geislafræðinga að taka þátt í þróun og uppbyggingu brjóstarannsókna.

Vinnuvika starfsfólks í fullri dagvinnu er nú 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf. Starfshlutfall og upphaf starfa er samkomulag.

Menntunar- og hæfniskröfur

Íslenskt starfsleyfi geislafræðings

Mjög góð samskiptahæfni og fagleg framkoma

Hæfni og geta til starfa í teymi

Virk þátttaka og áhugi á að byggja upp og stuðla að góðum starfsanda

Stundvísi, áreiðanleiki og jákvæðni

Faglegur metnaður og sjálfstæði í starfi

Frumkvæði og skipulagsfærni

Góð íslensku- og enskukunnátta

Helstu verkefni og ábyrgð

Framkvæmd brjóstarannsókna

Sérhæfð verkefni eftir atvikum sem heyra undir starfsemi deildar

Virk þátttaka í gæða- og umbótastarfi

Skráning í upplýsingakerfi deildarinnar

Stuðla að góðri myndgreiningarþjónustu

Þátttaka í teymisvinnu á Brjóstamiðstöð

Starfshlutfall: 40-100%

Laun eru samkvæmt gildandi kjarasamningi sem fjármála- og efnahagsráðherra og Félag geislafræðinga hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Geislafræðingur, teymisvinna

Tungumálahæfni: Íslenska 3/5, enska 3/5

Staðsetning: Eiríksgata 5, 101 Reykjavík

Nánari upplýsingar

Kristrún Þórkelsdóttir

deildarstjóri

Tölvupóstur: [email protected]

Sími: 824-5421

Helena Ýr Gunnarsdóttir

aðstoðardeildarstjóri

Tölvupóstur: [email protected]

Sími: 844-8971

Auglýsing birt9. nóvember 2026

Umsóknarfrestur23. nóvember 2026

Tungumálahæfni

Íslenska

Nauðsyn

Meðalhæfni

Enska

Nauðsyn

Meðalhæfni

Starfstegund

Starfsgreinar

Starfsmerkingar

Fleiri störf (37)