Laus störf Hæfnileit Vinnustaðir Námskeið

Stjórnsýslusvið

Múlaþing er sveitarfélag á Austurlandi með um 5.300 íbúum. Undir Múlaþing heyra Fljótsdalshérað, Djúpivogur, Borgarfjörður eystri og Seyðisfjarðarkaupstaður. Stjórnsýslusvið sér um atvinnu-og menningarmál og stjórnsýslu sveitarfélagsins.

Vinnustaðurinn

Fulltrúi sveitarstjóra á Djúpavogi

Sveitarfélagið Múlaþing leitar að einstaklingi til starfa við ýmis verkefni sveitarfélagsins á stjórnsýslusviði og er starfsstöð viðkomandi á skrifstofu Múlaþings á Djúpavogi. Um er að ræða fjölbreytt og áhugavert 100% framtíðarstarf í lifandi umhverfi.

Næsti yfirmaður er sveitarstjóri og er ráðið í starfið frá 1.júní nk.

Helstu verkefni og ábyrgð

Umsjón með verkefnum sveitarfélagsins á staðnum í samráði við sveitarstjóra og yfirmenn viðkomandi sviða.
Undirbýr og situr fundi með heimastjórn Djúpavogs.
Sér um ritun fundargerða heimastjórnar og sér um að afgreiðslur heimastjórnar komist í réttan farveg.
Samráð og samstarf um verkefni við annað starfsfólk á stjórnsýslusviði.
Veita íbúum og öðrum sem til skrifstofu Múlaþings á Djúpavogi leita faglega og góða þjónustu og koma erindum í réttan farveg.
Starfsmaður sér um innkaup á daglegum vörum fyrir skrifstofuna á Djúpavogi og hefur umsjón með daglegum rekstri á búnaði skrifstofunnar á Djúpavogi.
Tengiliður sveitarfélagsins vegna Cittaslow verkefnisins.
Ýmis verkefni tengd höfnum Múlaþings.
Önnur verkefni sem sveitarstjóri felur viðkomandi.

Menntunar- og hæfniskröfur

Háskólapróf á fyrsta stigi (BS/BA) sem nýtist í starfi er skilyrði, framhaldsháskólamenntun kostur.
Gerð er krafa um frumkvæði og sjálfstæði í starfi.
Gerð er krafa um þekkingu á sveitarstjórnarmálum og/eða opinberri stjórnsýslu.
Þekking og reynsla af verkefnastjórnun.
Gerð er krafa um búsetu í gamla Djúpavogshreppi.
Góð tölvukunnátta.
Góð íslensku- og enskukunnátta og gott vald á að skrifa texta.
Góð þjónustulund og hæfni í mannlegum samskiptum.

Launakjör eru samkvæmt kjarasamningum sveitarfélagsins og viðkomandi stéttarfélags.

Öllum umsóknum skal fylgja yfirlit yfir nám og/eða fyrri störf og rökstuðningur fyrir hæfni viðkomandi í starfið. Einungis er tekið við rafrænum umsóknum í gegnum ráðningavef sveitarfélagsins hjá Alfreð.

Nánari upplýsingar um starfið veitir Dagmar Ýr Stefánsdóttir sveitarstjóri í síma 4700 700 eða á netfanginu [email protected]

Tekið er mið af jafnréttisáætlun Múlaþings við allar ráðningar hjá sveitafélaginu. Vinnustaðir Múlaþings eru reyklausir og fjölskylduvænir.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Auglýsing birt7. apríl 2026

Umsóknarfrestur23. apríl 2026

Tungumálahæfni