Fjölbreytt frístundaþjónusta er í Árborg, frístundaheimili, frístundaklúbbar og félagsmiðstöð. Frístundaheimilin eru fimm talsins en þau eru Bifröst í Vallaskóla, Bjarkarból í Stekkjaskóla, Eldheimar, Hólar í Sunnulækjarskóla og Stjörnusteinar í Barnaskólanum á Eyrarbakka og Stokkseyri. Frístundaklúbbarnir eru þrír Kotið, Kletturinn og Kópurinn. Einnig er starfrækt félagsmiðstöð og ungmennahús. Í Sveitarfélaginu Árborg búa rúmlega 12.000 íbúar og starfa um 1000 manns hjá sveitarfélaginu. Lögð er áhersla á að skapa starfsumhverfi sem stuðlar að vellíðan og árangri þar sem starfað er af fagmennsku og góðum ásetningi með hag sveitarfélagsins að leiðarljósi. Vinnustaðurinn Árborg hefur markað sér stefnu í jafnréttismálum sem byggir á jöfnum tækifærum, umburðarlyndi, sveigjanleika og samhæfingu starfs- og einkalífs. Hér má sjá jafnréttisstefnu Árborgar. Í samræmi við jafnréttistefnu Árborgar er markmiðið að jafna hlut kynjanna í störfum og að vinnustaðirnir endurspegli fjölbreytileika samfélagsins. Þá greiðir sveitarfélagið starfsfólki jöfn laun og sömu kjör fyrir sömu eða jafnverðmæt störf. Árborg hlaut jafnlaunavottun árið 2019 og fékk endurvottun árið 2022. Enginn launamunur mælist á milli kynja hjá Árborg.