Laus störf Hæfnileit Vinnustaðir Námskeið

BIOEFFECT hf.

BIOEFFECT eru margverðlaunaðar íslenskar húðvörur sem byggja á íslensku hugviti, vísindum og virkni. Virku efnin í húðvörulínunni eru framleidd með aðferðum plöntu-líftækni, svokallaðir vaxtarþættir – framleiddir í byggi í gróðurhúsi ORF líftækni á Íslandi. EGF (Epidermal growth factor) er þekktasti vaxtarþátturinn. BIOEFFECT er með eigið vísinda- og þróunarteymi á Íslandi sem sér um að viðhalda vörulínunni og þróa nýjar vörur. Vöruþróun og framleiðsla fer að öllu leyti fram í höfuðstöðvum félagsins á Íslandi, Kópavogi. Húðvörurnar eru seldar um allan heim, á netinu og í verslunum í yfir 20 löndum. BIOEFFECT þjónustar Ísland, Bretland og Bandaríkin en aðrir markaðir um 20 talsins eru reknir í samstarfi við dreifiaðila.

Vinnustaðurinn

Framkvæmdastjóri rannsókna og þróunar

BIOEFFECT leitar að öflugum og reynslumiklum stjórnanda til að leiða rannsóknar- og vöruþróunarstarf fyrirtækisins. Um er að ræða lykilhlutverk þar sem viðkomandi ber ábyrgð á þróun og eflingu vöruframboðs BIOEFFECT, með sterkri vísindalegri nálgun og áherslu á gæði, öryggi og virkni.

Framkvæmdastjóri rannsókna og þróunar leiðir faglegt rannsóknastarf, vinnur að nýsköpun og kemur fram fyrir hönd BIOEFFECT til að kynna vörur og vísindalegan grunn þeirra.

Helstu verkefni og ábyrgð

Leiða rannsóknar-, nýsköpunar- og vöruþróunarstarf BIOEFFECT
Þróa og móta núverandi og nýjar vörur og tryggja öryggi, skráningu og virkni þeirra
Greina ný tækifæri til áframhaldandi þróunar vörulínu BIOEFFECT
Afla þekkingar á nýjum innihaldsefnum og nýtingu vaxtarþátta til nýsköpunar
Hafa yfirumsjón með rannsóknum á húðvörum, þar á meðal húð- og virknirannsóknum, bæði innan BIOEFFECT og hjá óháðum aðilum
Ábyrgð á vöruprófunum, m.a. húðmælingum, ofnæmis- og örveruprófunum
Undirbúa vísindaleg gögn og upplýsingar fyrir sölu- og markaðsdeildir
Taka virkan þátt í stefnumótun fyrirtækisins og sitja í vöruráði BIOEFFECT
Vera hluti af stjórnendateymi og framkvæmdastjórn BIOEFFECT

Menntunar- og hæfniskröfur

Háskólamenntun á sviði lífvísinda, efnafræði, lyfjafræði, líftækni eða sambærilegu fagi
Framhaldsmenntun (MSc eða PhD) er kostur
Víðtæk reynsla af rannsóknum og vöruþróun, helst innan húðvara-, lyfja- eða líftæknigeirans
Reynsla af þróun og innleiðingu nýrra vara á alþjóðlegum markaði
Góð þekking á regluverki húðvara, m.a. öryggismati, skráningum og kröfum eftirlitsaðila á erlendum mörkuðum
Reynsla af samstarfi við óháða rannsóknaraðila, rannsóknastofur og prófunaraðila
Geta til að greina og miðla vísindalegum gögnum á skýran og aðgengilegan hátt
Framúrskarandi enskukunnátta í ræðu og riti
Sterkir leiðtogahæfileikar og reynsla af stjórnun teyma og verkefna
Skipulagshæfni, frumkvæði og sjálfstæð vinnubrögð
Góð samskiptafærni og hæfni til að vinna þvert á deildir
Áhugi á nýsköpun, vísindum og gæðum í húðvörum