Laus störf Hæfnileit Vinnustaðir Námskeið

Reykjavíkurborg - Velferðarsvið

Velferðasvið ber ábyrgð á áætlanagerð, samhæfingu og samþættingu verkefna á sviði velferðarþjónustu, eftirliti í samræmi við lög, reglur, samþykktir og pólitíska stefnu í velferðarmálum, mat á árangri og þróun velferðarþjónustu og nýrra úrræða og gerð þjónustusamninga um framkvæmd þjónustunnar. Velferðarsvið býr Reykjavíkurborg ennfremur undir að taka við nýjum velferðarverkefnum frá ríki svo sem í málefnum fatlaðra, öldrunarþjónustu og heilsugæslu. Velferðarsvið ber ábyrgð á framkvæmd þjónustu á sviði velferðarmála, þar með talinni félagsþjónustu fyrir alla aldurshópa og barnavernd. Velferðarsvið ber ábyrgð á rekstri þjónustumiðstöðva Reykjavíkurborgar og starfseininga sem undir þær heyra. Velferðarsvið vinnur með velferðarráði og barnaverndarnefnd og sinnir málefnum þeirra. Þjónustumiðstöðvar vinna með hverfaráðum í hverfum borgarinnar. Velferðarsvið sér einnig um rekstur miðlægrar velferðarþjónustu þvert á borgina, átaksverkefna vegna endurhæfingar fólks, heildstæðu forvarnastarfi í Reykjavík, inntöku í húsnæðis- og búsetuúrræði, rekstur hjúkrunarheimila, rekstur framleiðslueldhúss og rekstur heimahjúkrunar í Reykjavík samkvæmt samningi við ríkið þar um.

Vinnustaðurinn

Félagsráðgjafi í deild barna- og fjölskyldna

Barna-og fjölskyldudeild óskar eftir öflugum og metnaðarfullum félagsráðgjafa með áhuga og þekkingu á að vinna með börnum, ungmennum og fjölskyldum þeirra.

Verkefni félagsráðgjafa taka til almennrar og sértækrar félags- og velferðarþjónustu, félagsráðgjafi er hluti af þverfaglegu teymi sem sinnir ráðgjöf og stuðningi við börn og fjölskyldur þeirra í deild barna-og fjölskyldumála.

Um er að ræða tímabundið starf til eins árs með möguleika á framlengingu.

Helstu verkefni og ábyrgð

Félagsráðgjafi veitir börnum og fjölskyldum þeirra ráðgjöf s.s. félagslegra aðstæðna, uppeldis barna, fjölmenningar, veikinda og fötlunar.
Félagsráðgjafi veitir einstaklingsmiðaðan stuðning sem miðar að því að tryggja þátttöku innan og utan heimilis, auka lífsgæði og virkni í samfélaginu eftir því sem við á og þörf krefur. Veitir ráðgjöf og upplýsingar um þjónustu í þágu farsældar barns.
Vinnur mat á þjónustuþörfum barns og fjölskyldu þess.
Gerir stuðningsáætlun og leggur mat á árangur.
Ber ábyrgð á málstjórn í stuðningsteymum þar með talið ráðgjöf og upplýsingar um samþættingu þjónustu. Samstarf og samvinna við lykilstofnanir og hagsmunasamtök í málefnum barna.
Í samræmi við mannréttindastefnu Reykjavíkurborgar er lögð áhersla á að starfsstaðir velferðarsviðs endurspegli fjölbreytileika samfélagsins. Við hvetjum því fólk af öllum kynjum, fatlað fólk og fólk með fjölbreyttan menningarlegan bakgrunn til að sækja um starfið.

Menntunar- og hæfniskröfur

Starfsréttindi í félagsráðgjöf
Þekking og reynsla af ráðgjöf við fjölskyldur.
Framúrskarandi hæfni í mannlegum samskiptum, frumkvæði, skipulagshæfni og sjálfstæði í vinnubrögðum
Áhugi og reynsla á þverfaglegri teymisvinnu.
Góð íslenskukunnátta C1 samkvæmt samevrópskum matsramma
Hreint sakavottorð í samræmi við lög, sem og reglur Reykjavíkurborgar
Þekking og reynsla af starfi á sviði velferðarþjónustu Reykjavíkurborgar eða öðru sveitarfélagi er kostur. Þekking eða reynsla af því að starfa með fólki af erlendum uppruna er kostur.

Fríðindi í starfi

36 stunda vinnuviku
Fjölskylduvænan vinnustað.
Sund -og menningarkort Reykjavíkurborgar

Í samræmi við mannréttindastefnu Reykjavíkurborgar er lögð áhersla á að starfsstaðir velferðarsviðs endurspegli fjölbreytileika samfélagsins. Við hvetjum því fólk af öllum kynjum, fatlað fólk og fólk með fjölbreyttan menningarlegan bakgrunn til að sækja um starfið. Launakjör eru samkvæmt kjarasamningi Reykjavíkurborgar og viðkomandi stéttarfélags.

Um er að ræða tímabundið starf með möguleika á framlengingu. Viðkomandi þarf að getað hafið störf sem fyrst.

Nánari upplýsingar um starfið veitir Alda Róbertsdóttir í síma 411-1500 eða með því að senda fyrirspurnir á [email protected]

Auglýsing birt13. ágúst 2026

Umsóknarfrestur27. ágúst 2026

Tungumálahæfni