Laus störf Hæfnileit Vinnustaðir Námskeið

Sveitarfélagið Árborg

Sveitarfélagið Árborg er fjölmennasta sveitarfélagið á Suðurlandi. Það varð til við sameiningu Eyrarbakkahrepps, Sandvíkurhrepps, Selfossbæjar og Stokkseyrarhrepps. Sveitarfélagið hefur vaxið ört síðastliðin ár og telur nú tæplega 12.000 íbúa. Þar er miðstöð þjónustu á Suðurlandi, góðir skólar ásamt öflugu íþrótta-, félags- og menningarlífi. Starfsmenn sveitarfélagsins eru um 1000 og lögð er áhersla á að skapa starfsumhverfi sem stuðlar að vellíðan og árangri, þar sem starfað er af fagmennsku og góðum ásetningi með hag sveitarfélagsins að leiðarljósi.

Vinnustaðurinn

Félagsráðgjafi í barnateymi Velferðarþjónustu Árborgar

Leitað er eftir metnaðarfullum og áhugasömum félagsráðgjafa til starfa í barnateymi Velferðarþjónustu Árborgar. Um er að ræða spennandi tækifæri til að taka þátt í þróun og uppbyggingu þjónustu við börn og fjölskyldur í ört vaxandi sveitarfélaginu Árborg þar sem búa rúmlega 13 þúsund íbúar.

Hjá Velferðarþjónustu Árborgar er lögð rík áhersla á snemmtækan stuðning, samþætta þjónustu og farsæld barna. Starfið byggir á þverfaglegu samstarfi þar sem unnið er náið með fagfólki á sviði velferðar-, skóla- og frístundaþjónustu með það að markmiði að styrkja stöðu barna og fjölskyldna í samfélaginu.

Í starfinu felst meðal annars að veita ráðgjöf og upplýsingar um þjónustu til forráðamanna, vinna með fjölskyldum og taka þátt í þróun og framkvæmd þjónustu í samræmi við lög um félagsþjónustu sveitarfélaga nr. 40/1991 og lög um samþættingu þjónustu í þágu farsældar barna nr. 86/2021.

Velferðarþjónusta Árborgar er framsækinn vinnustaður þar sem unnið er í nánu samstarfi við öflugan hóp fagfólks. Þar gefst tækifæri til að taka virkan þátt í þróun þjónustu og vinna að mikilvægum verkefnum sem hafa raunveruleg áhrif á líf barna og fjölskyldna.

Um er að ræða 100% ótímabundið starf.

Helstu verkefni og ábyrgð

Uppeldis- og foreldraráðgjöf, veitt í viðtölum og á heimilum fólks
Ráðgjöf og stuðningur við fjölskyldur
Málastjórn samþættrar þjónustu og ráðgjöf samkvæmt farsældarlögum
Mat á þörf fyrir þjónustu og úrræði, ásamt gerð þjónustu- og stuðningsáætlana
Þátttaka í þverfaglegri teymisvinnu innan og utan sveitarfélags
Reglubundin eftirfylgd og mat á árangri þjónustu
Móttaka, greining og úrvinnsla erinda og umsókna
Skýrslugerð og skráning

Menntunar- og hæfniskröfur

Meistarapróf í félagsráðgjöf
Þekking og reynsla af vinnu með barnafjölskyldum innan opinberrar þjónustu er mikill kostur
Góð samskiptahæfni, frumkvæði og hæfni til sjálfstæðrar vinnu
Reynsla af teymisvinnu og samþættri þjónustu er mikill kostur
Þekking á lögum og reglugerðum sem tengjast starfssviði velferðarþjónustu
Færni í skráningu, greiningarvinnu og tölvukerfum opinberrar stjórnsýslu

Umsóknarfrestur: til og með 24. apríl 2026

Nánari upplýsingar veitir:
Sigríður Elín Leifsdóttir, teymisstjóri barnateymis
[email protected]

Umsóknum fylgi yfirlit yfir nám og fyrri störf ásamt rökstuðningi fyrir hæfni í starfið. Umsóknum er skilað á Alfred.is Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað þegar ákvörðun um ráðningu liggur fyrir. Allar umsóknir eru gildar í 6. mánuði.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags. Vakin er athygli á stefnu Sveitarfélagsins Árborgar að jafna hlut kynjanna í störfum hjá sveitarfélaginu og að vinnustaðir endurspegli fjölbreytileika samfélagsins.

Auglýsing birt10. apríl 2026

Umsóknarfrestur24. apríl 2026

Tungumálahæfni