Laus störf Hæfnileit Vinnustaðir Námskeið

Reykjavíkurborg - Velferðarsvið

Velferðasvið ber ábyrgð á áætlanagerð, samhæfingu og samþættingu verkefna á sviði velferðarþjónustu, eftirliti í samræmi við lög, reglur, samþykktir og pólitíska stefnu í velferðarmálum, mat á árangri og þróun velferðarþjónustu og nýrra úrræða og gerð þjónustusamninga um framkvæmd þjónustunnar. Velferðarsvið býr Reykjavíkurborg ennfremur undir að taka við nýjum velferðarverkefnum frá ríki svo sem í málefnum fatlaðra, öldrunarþjónustu og heilsugæslu. Velferðarsvið ber ábyrgð á framkvæmd þjónustu á sviði velferðarmála, þar með talinni félagsþjónustu fyrir alla aldurshópa og barnavernd. Velferðarsvið ber ábyrgð á rekstri þjónustumiðstöðva Reykjavíkurborgar og starfseininga sem undir þær heyra. Velferðarsvið vinnur með velferðarráði og barnaverndarnefnd og sinnir málefnum þeirra. Þjónustumiðstöðvar vinna með hverfaráðum í hverfum borgarinnar. Velferðarsvið sér einnig um rekstur miðlægrar velferðarþjónustu þvert á borgina, átaksverkefna vegna endurhæfingar fólks, heildstæðu forvarnastarfi í Reykjavík, inntöku í húsnæðis- og búsetuúrræði, rekstur hjúkrunarheimila, rekstur framleiðslueldhúss og rekstur heimahjúkrunar í Reykjavík samkvæmt samningi við ríkið þar um.

Vinnustaðurinn

Félagsráðgjafi/Ráðgjafi - sérþekking tengd fötlun Í loftinu

Laust er til umsóknar starf Félagsráðgjafa/ráðgjafa í Barna –og fjölskyldudeild á Norðurmiðstöð. Um er að ræða 100% ótímabundið starf. Leitað er eftir metnaðarfullum einstaklingi með áhuga, þekkingu og reynslu tengt ráðgjöf við fötluðu börn og fjölskyldur þeirra.

Norðurmiðstöð er framsækinn vinnustaður sem býður upp á spennandi tækifæri til að taka þátt í uppbyggingu á þjónustu við börn, fjölskyldur og skóla. Í boði er vinna í málefnum barna, skóla og fjölskyldna með metnaðarfullum hópi fagmanna eins og félagsráðgjöfum, kennsluráðgjöfum, sálfræðingum, hegðunarráðgjöfum og talmeinafræðingum.

Verkefni Félagsráðgjafa/ráðgjafa taka til almennrar og sértækrar félags- og velferðarþjónustu, Félagsráðgjafi/ráðgjafi er hluti af þverfaglegu teymi sem sinnir ráðgjöf og stuðningi við fötluð börn og fjölskyldur þeirra í deild barna-og fjölskyldumála. Leitast er eftir að ráða einstakling með mikla þekkingu á einhverfu og stuðningsþörfum barna sem eru einhverf.

Helstu verkefni og ábyrgð

Verkefni Félagsráðgjafa/ráðgjafa taka til almennrar og sértækrar félags- og velferðarþjónustu, Félagsráðgjafi/ráðgjafi er hluti af þverfaglegu teymi sem sinnir ráðgjöf og stuðningi við fötluð börn og fjölskyldur þeirra í deild barna-og fjölskyldumála.
Leitast er eftir að ráða einstakling með mikla þekkingu á einhverfu og stuðningsþörfum barna sem eru einhverf.
Félagsráðgjafi/ráðgjafi veitir fötluðum börnum og fjölskyldum þeirra ráðgjöf s.s. vegna fötlunar, félagslegra aðstæðna, uppeldi barna, fjölmenningar og annað sem fjölskyldan kann að þurfa stuðning með.
Félagsráðgjafi/ráðgjafi sérhæfir sig í og hefur yfirsýn yfir úrræði og stuðning fyrir einhverf börn með umfangmiklar stuðningsþarfir og fjölskyldur þeirra.
Félagsráðgjafi/ráðgjafi veitir einstaklingsmiðaðan stuðning sem miðar að því að tryggja þátttöku innan og utan heimilis, auka lífsgæði og virkni í samfélaginu eftir því sem við á og þörf krefur.
Veitir ráðgjöf og upplýsingar um þjónustu í þágu farsældar barns. Ber ábyrgð á málstjórn í stuðningsteymum samkvæmt lögum um samþætta þjónustu í þágu farsældar barna.
Vinnur mat á þjónustuþörfum barns og fjölskyldu þess. Gerir stuðningsáætlun og leggur mat á árangur.
Samstarf og samvinna við lykilstofnanir og hagsmunasamtök í málefnum barna.

Menntunar- og hæfniskröfur

Háskólamenntun á sviði félags-, mennta- og/eða heilbrigðisvísinda s.s. Þroskaþjálfi, fötlunarfræði, sálfræði, starfsréttindi til að starfa sem félagsráðgjafi.
Þekking og reynsla af ráðgjöf við fjölskyldur fatlaðra barna.
Þekking og reynsla í starfi með fötluðum börnum.
Framúrskarandi hæfni í mannlegum samskiptum, frumkvæði, skipulagshæfni og sjálfstæði í vinnubrögðum
Áhugi og reynsla á þverfaglegri teymisvinnu.
Góð íslenskukunnátta C1 samkvæmt samevrópskum matsramma
Hreint sakavottorð í samræmi við lög, sem og reglur Reykjavíkurborgar
Þekking og reynsla af starfi á sviði velferðarþjónustu Reykjavíkurborgar eða öðru sveitarfélagi er kostur
Þekking eða reynsla af því að starfa með fólki af erlendum uppruna er kostur.

Fríðindi í starfi

36 stunda vinnuviku·

Fjölskylduvænan vinnustað.

ÍTR kort eftir mánuð í starfi sem veitir meðal annars ókeypis aðgang í Sundlaugar Reykjavíkur.

Afslátt á menningarkorti Reykjavíkurborgar

Í samræmi við mannréttindastefnu Reykjavíkurborgar er lögð áhersla á að starfsstaðir velferðarsviðs endurspegli fjölbreytileika samfélagsins. Við hvetjum því fólk af öllum kynjum, fatlað fólk og fólk með fjölbreyttan menningarlegan bakgrunn til að sækja um starfið.
Frekari upplýsingar um starfiðLaun eru samkvæmt samningi Reykjavíkurborgar og viðkomandi stéttarfélags.

Nánari upplýsingar um starfið veitir Alda Róbertsdóttir deildarstjóri barna- og fjölskyldna; [email protected]

Auglýsing birt9. apríl 2026

Umsóknarfrestur22. apríl 2026

Tungumálahæfni

Íslenska

Nauðsyn

Meðalhæfni

Staðsetning

Efstaleiti 1, 103 Reykjavík

Starfstegund

Starfsgreinar

Starfsmerkingar

Fleiri störf (23)

Félagsráðgjafi í deild virkni og ráðgjafar á Vesturmiðstöð