Erum að bæta við starfsfólki í umönnun!

Heilsuvernd Vífilsstaðir er skipað sérhæfðu og metnaðarfullu starfsfólki sem leggur áherslu á faglega og framúrskarandi þjónustu. Á Vífilsstöðum eru 48 biðrými fyrir aldraða einstaklinga sem bíða eftir varanlegri búsetu á hjúkrunarheimili.

Við erum að bæta við starfsfólki í umönnun. Starfshlutfall og vaktir eftir nánara samkomulagi, en erum að ráða bæði í 60%-80% hlutfall í dagvinnu og 70%-100% hlutfall í vaktavinnu, mikilvægt er að viðkomandi geti unnið dagvaktir í bland við aðrar vaktir. Við leitum eftir einstaklingum sem hafa jákvæðni og góð samskipti að leiðarljósi og eru tilbúnir að takast á við fjölbreytt verkefni í sterku teymi fagfólks á góðum fjölmenningar vinnustað.

Hjá Heilsuvernd leggjum við okkur fram um að skapa glaðlegt og gott vinnuumhverfi, auk þess sem við leggjum mikinn metnað í að veita framúrskarandi þjónustu.