Laus störf Hæfnileit Vinnustaðir Námskeið

Akraneskaupstaður

Akranes er stærsta sveitarfélag Vesturlands með rúmlega 8.500 íbúa. Hjá Akraneskaupstað starfa tæplega 800 manns í 20 stofnunum. Bærinn rekur tvo grunnskóla, fjóra leikskóla, frístundastörf, búsetukjarna, miðlæga skrifstofu, tónlistarskóla, bókasafn, slökkvilið og byggðasafn svo fátt eitt sé nefnt. Akranes er framsækið sveitarfélag sem hefur jákvæðni, metnað og víðsýni að leiðarljósi í þjónustu og uppbyggingu sveitarfélagsins. Akranes er einstaklega fjölskylduvænt bæjarfélag þar sem gott er að búa og ala upp börn. Bærinn er bæði heilsueflandi og barnvænt samfélag og framfylgir stefnu um slíkt. Það sem einkennir Akranes er flatlendi þess og er því mjög þægilegt að ganga og hjóla um bæinn. Auk þess eru möguleikar til útivistar fjölbreyttir og stutt í ósnortna náttúru.

Vinnustaðurinn

Deildarstjóri í búsetuþjónustu Akraneskaupstaðar

Deildarstjóri í búsetuþjónustu gegnir lykilhlutverki í daglegri stjórnun og faglegri leiðsögn á starfsstöð. Deildarstjóri er staðsettur í búsetukjarna og hefur heildaryfirsýn yfir skipulag þjónustu og samhæfingu verkefna í nánu samstarfi við forstöðumann, fagstjóra, starfsfólk, þjónustunotendur og aðstandendur. Starfið miðar að því að tryggja faglega, örugga, samfellda og einstaklingsmiðaða þjónustu sem styður þjónustunotendur til sjálfstæðs lífs, virkrar þátttöku í samfélaginu og aukinna lífsgæða.

Í starfi deildarstjóra felst að leiða daglegt starf í samræmi við stefnu Akraneskaupstaðar og lögbundið hlutverk þjónustunnar. Unnið út frá hugmyndafræði valdeflingar og þjónandi leiðsagnar (Gentle Teaching), með hagsmuni, mannréttindi, sjálfræði og reisn þjónustunotenda að leiðarljósi.

Deildarstjóri situr í teymi með öðrum deildarstjórum búsetuþjónustu og innleiðir teymisvinnu í kringum þjónustu við íbúa.

Um er ræða þrjár 100% stöður á búsetukjörnum Akraneskaupstaðar.

Helstu verkefni og ábyrgð

Leiðir daglegt starf á kjarna í samstarfi við fagstjóra.
Aðlögun og fræðsla nýrra starfsmanna.
Veitir faglega ráðgjöf, fræðslu og stuðning við þjónustunotendur og aðstandendur.
Vinnur einstaklingsbundnar þjónustuáætlanir í samvinnu við fagstjóra.
Hefur umsjón með varðveislu og/eða skömmtun lyfja til notenda þjónustu samkvæmt fyrirmælum læknis.
Vinnur vaktaplön og samþykkir vinnustund í samvinnu við forstöðumann.
Bregst við veikindum og annarri fjarveru starfsmanna, með því að endurskipuleggja dagsplan þar sem því verður við komið eða kallar út aukavaktir.
Tekur þátt í undirbúningi starfsmanna- og teymisfunda og situr þá.
Tekur þátt í fræðslu, stefnumótun, gæða- og þróunarstarfi, samkvæmt nánari ákvörðun forstöðumans.
Tryggir samræmi í framkvæmd og upplýsingaflæði.

Menntunar- og hæfniskröfur

Starfsleyfi sem þroskaþjálfi, iðjuþjálfi, eða önnur sambærileg háskóla menntunun (BA, BS, BEd) sem nýtist í starfi er skilyrði.
Góð almenn tölvukunnátta og ökuréttindi eru nauðsynleg.
Reynsla að stjórnun, rekstri og verkefnastýringu nauðsynleg.
Reynsla af starfi með fötluðu og/eða öldruðu fólki er nauðsynleg.
Framúrskarandi færni í samskiptum og skipulagningu.
Vandvirkni og samviskusemi.
Sjálfstæði í störfum og frumkvæði.
Eiga auðvelt með laga sig að breyttum aðstæðum og tileinka sér nýjungar
Sveigjanleiki vegna mismunandi þarfa þeirra einstaklinga sem verið er að þjónusta.
Virðing fyrir þeim einstaklingi sem veita þarf stuðning, sérkennum hans, réttindum og skoðunum.
Gerð er krafa um vammleysi, s.s að vera með gott orðspor og að framkoma og athafnir á vinnustað og utan hans samrýmist starfinu.