Verkefnastjóri frístundar í Krikaskóla
Verkefnastjóri frístundar óskast í Krikaskóla fyrir skólaárið 2026-27
Krikaskóli í Mosfellsbæ leitar að verkefnastjóra í frístund.
Frístundastarf Krikaskóla er rekið í beinum tengslum við skólann og býður upp á vistun fyrir börn í 1.-4.bekk. Frístundastarf í Krikaskóla er þrískipt, fyrir kennslu að morgni, í hádegi og að loknum skóla.
Starf verkefnastjóra frístundastarfs felur m.a. í sér skipulag og daglegan rekstur, auk samstarfs við foreldra, starfsfólk Krikaskóla og aðra aðila vegna íþrótta- og tómstundastarfs.
Krikaskóli er leik- og grunnskóli og starfsemin tekur mið af Menntastefnu Mosfellsbæjar um heildstætt uppeldis- og skólastarf í leik- og grunnskólum. Í skólanum eru á hverjum tíma um 200 börn á aldrinum 2ja-9 ára. Umsækjendur eru hvattir til að kynna sér stefnu skólans á heimasíðu hans.
Mosfellsbær er öflugt og eftirsótt sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.
Ráðið verður í stöðu verkefnastjóra frístundar frá og með 1.ágúst 2026
- Ber faglega ábyrgð á skipulagningu, framkvæmd og daglegri stjórnun frístundastarfs
- Verkstýrir stuðningsfulltrúum, veitir faglegan stuðning og skiptir verkum milli starfsmanna
- Er í nánu samstarfi við skólastjórnendur, foreldra/forráðamenn
- Sér um skráningar í Völu
- Ber ábyrgð á að öryggisreglur séu virtar og stuðlar að vellíðan barna
- Fylgist með því að nauðsynleg leikföng og búnaður sé til staðar
- Sér um reikningagerð fyrir frístund
- Menntun á sviði tómstunda- og félagsmálafræði, uppeldis- og menntunarfræði eða sambærileg menntun
- Reynsla af stjórnun æskileg
- Mjög góð færni í samvinnu, samskiptum og teymisvinnu
- Áhugi á starfi með börnum
- Hugmyndaauðgi, jákvæðni og sveigjanleiki
- Góð íslenskukunnátta
Íslenska
