Laus störf Hæfnileit Vinnustaðir Námskeið

Skatturinn

Skatturinn fer með álagningu og innheimtu skatta, gjalda og tolla auk þess að sinna eftirliti með skattskilum og viðskiptum og flutningum yfir landamæri.

Vinnustaðurinn

Deildarstjóri hugbúnaðarlausna

Við leitum að öflugum og metnaðarfullum deildarstjóra fyrir Hugbúnaðarlausnir á upplýsingatæknisviði í höfuðstöðvum Skattsins í Katrínartúni í Reykjavík.

Skatturinn er framsækinn vinnustaður sem gegnir lykilhlutverki við tekjuöflun ríkis og sveitarfélaga. Með virku eftirliti, rannsóknum og tollgæslu stuðlum við að jafnræði, virkri samkeppni og vernd samfélagsins. Gildi Skattsins eru fagmennska, framsækni og samvinna.

Hugbúnaðarlausnir bera ábyrgð á hönnun, þróun, prófunum, rekstri og viðhaldi hugbúnaðarlausna Skattsins og veitir leiðsögn og tæknilega ráðgjöf til teyma og hagsmunaaðila. Deildin vinnur að fjölbreyttum og mikilvægum lausnum sem styðja við stafræna þjónustu, innri ferla og lögbundin verkefni Skattsins. Hugbúnaðarlausnir eru jafnframt í fararbroddi við innleiðingu gervigreindar í þróunarferla og á kjarna- og stoðsviðum Skattsins.

Í starfinu sameinast stjórnun og tæknileg forysta. Deildarstjóri ber ábyrgð á daglegri stjórnun deildarinnar, þróun starfsfólks, faglegum gæðum og árangursríkri afhendingu hugbúnaðarlausna.

Helstu verkefni og ábyrgð

Leiða hugbúnaðarlausnir í samræmi við stefnu, markmið og þarfir Skattsins
Ábyrgð á daglegri stjórnun deildarinnar, markmiðasetningu og þróun starfsfólks
Tryggja skilvirka afhendingu hugbúnaðarlausna með áherslu á gæði, öryggi og rekstrarhæfni
Styðja teymi við lausnahönnun, tæknilegar útfærslur og fagleg vinnubrögð í þróun hugbúnaðarlausna
Leiða umbætur á þróunarferlum með áherslu á kóðagæði, CI/CD, sjálfvirknivæðingu og prófanir
Meta og innleiða nýja tækni og vinnubrögð í þróun og rekstri, m.a. gervigreind
Styðja við ábyrga og örugga notkun gervigreindar í samræmi við stefnu stofnunarinnar
Vera tengiliður við ytri hugbúnaðarbirgja og þróunarverktaka

Menntunar- og hæfniskröfur

Háskólapróf í tölvunarfræði, verkfræði, viðskiptafræði eða skyldum greinum, meistaragráða er æskileg
Reynsla af stjórnun teyma er æskileg
Þekking á hugbúnaðarþróunaraðferðum, svo sem Agile, DevOps og CI/CD
Þekking á lausnahönnun, rekstri hugbúnaðarlausna, gæðamálum, prófunum og öryggi
Reynsla af innleiðingu gervigreindar í hugbúnaðarþróun, t.d. með Claude Code eða GitHub Copilot er kostur
Framúrskarandi samskiptahæfni og hæfni til að vinna með ólíkum teymum og hagsmunaaðilum, ásamt góðri leiðtogahæfni
Skipulögð, lausnamiðuð og sjálfstæð vinnubrögð
Gott vald á íslensku og ensku í töluðu og rituðu máli
Hreint sakavottorð

Laun eru samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja ferilskrá, auk kynningarbréfs, sem inniheldur ítarlegar upplýsingar m.a. um menntun, fyrri störf, umsagnaraðila og annað er máli skiptir. Umsækjendum um störf hjá Skattinum kann að vera gert að leysa verkefni í ráðningarferlinu sem kæmu, auk annarra þátta, heildstætt inn í mat á hæfni þeirra til viðkomandi starfa.

Öllum umsóknum svarað þegar ákvörðun hefur verið tekin um ráðningar. Umsóknir geta gilt í allt að 6 mánuði að loknum umsóknarfresti.

Auglýsing birt15. maí 2026

Umsóknarfrestur29. maí 2026

Tungumálahæfni