Tæknistjóri hugbúnaðarþróunar

Viltu móta stafræna framtíð Reykjavíkurborgar?

Þjónustu- og nýsköpunarsvið leitar að reynslumiklum tæknilegum leiðtoga til að móta og leiða þróun hugbúnaðarlausna Reykjavíkurborgar. Um er að ræða fjölbreytt og áhrifamikið starf þar sem þú berð ábyrgð á heildararkitektúr og vinnur náið með teymum að þróun öruggra, skalanlegra og notendamiðaðra lausna. Þú situr jafnframt í tækniráði með upplýsingatæknishönnuði og tæknistjóra gagnaþjónustu.

Lausnirnar eru byggðar í nútímalegu skýjaumhverfi og fela m.a. í sér samþættingar milli kerfa og gagnalausna sem styðja við þjónustu borgarinnar.

Í starfinu sameinast stefnumótun og tæknileg forysta með virkri þátttöku í daglegu starfi þróunarteyma. Þú vinnur náið með forriturum og öðrum sérfræðingum, styður teymi í tæknilegum ákvörðunum og leggur áherslu á miðlun þekkingar og faglega þróun.

Þú hefur jafnframt yfirsýn yfir lausnir í þróun og rekstri og vinnur markvisst að umbótum á ferlum, gæðum og tæknilegri nálgun.

Helstu verkefni og ábyrgð

Móta og viðhalda heildararkitektúr hugbúnaðarlausna í takt við stefnu og markmið
Styðja teymi við lausnahönnun og tæknilegar ákvarðanir í samræmi við heildararkitektúr, þar á meðal samþættingar milli kerfa og hönnun gagnalausna
Meta og innleiða nýja tækni og vinnubrögð, m.a. gervigreind
Taka virkan þátt í kóðarýni og þróun hugbúnaðarlausna eftir þörfum (t.d. með .NET og React/TypeScript)
Byggja og viðhalda skalanlegum, öruggum og rekstrarhæfum lausnum í skýjaumhverfi Azure, með yfirsýn yfir uppitíma, kostnað og nýtingu
Leiða umbætur á þróunarferlum með áherslu á kóðagæði, CI/CD og sjálfvirknivæðingu
Móta og styðja gæðastefnu, þar á meðal prófunarferla og sjálfvirkar prófanir
Tryggja skýra og samræmda skjölun á arkitektúr og hönnun lausna
Veita leiðsögn og tæknilega ráðgjöf til teyma og hagsmunaaðila

Menntunar- og hæfniskröfur

Háskólamenntun í tölvunarfræði eða sambærileg reynsla
Víðtæk reynsla af hugbúnaðarþróun, þar af a.m.k. 5 ár í leiðandi hlutverki
Reynsla af að leiða og samhæfa teymi í flóknum verkefnum
Reynsla af því að bera ábyrgð á hönnun hugbúnaðarlausna og tæknilegum ákvörðunum
Þekking á nútímalegum hugbúnaðararkitektúr (t.d. skýjalausnir og micoservices)
Reynsla af CI/CD ferlum og sjálfvirknivæðingu þróunarferla
Þekking á öryggismálum í þróun og rekstri hugbúnaðar
Sterk leiðtoga- og samskiptahæfni
Greiningarhæfni og stefnumótandi hugsun, ásamt hæfni til að forgangsraða
Hæfni til að miðla tæknilegum hugmyndum á skýran og aðgengilegan hátt
Góð íslensku- og enskukunnátta í rituðu og töluðu máli

Um vinnustaðinn

Þjónustu- og nýsköpunarsvið er fyrsta flokks vinnustaður þar sem góð liðsheild og virðing einkennir menninguna. Við leggjum mikið upp úr faglegu umhverfi þar sem frumkvæði og þori er fagnað. Verkefnin eru krefjandi og skemmtileg og enn betra er að þau stuðla að því að einfalda og bæta líf borgarbúa og starfsfólks borgarinnar.

Þjónustu og nýsköpunarsvið hefur unnið til margra verðlauna eins og Nýsköpunarverðlaun hins opinbera í flokknum „Sveitafélag/stofnun ársins“ og til UT-verðlaun Ský 2025 í flokknum stafræn opinber þjónusta.

Þjónustu- og nýsköpunarsvið er regnbogavottaður vinnustaður. Markmið með regnbogavottun Reykjavíkurborgar er að gera starfsemi hennar hinseginvænni, bæði fyrir starfsfólk og þjónustuþega og einnig koma í veg fyrir beina og óbeina mismunun í garð hinsegin fólks.

Við bjóðum upp á

Fyrsta flokks vinnustað
Niðurgreitt mötuneyti sem býður upp á fjölbreyttan og hollan mat
Verkefni sem stuðla að því að einfalda og bæta líf starfsfólks og borgarbúa
Krefjandi og skemmtileg verkefni
Öfluga nýliðamóttöku
Sálrænt öryggi og skapandi menningu
Góða liðsheild og góð samskipti
Samkennd og virðing
Þekkingarumhverfi
Fjölbreytta þjálfun og möguleika á þróun í starfi
Áherslu á jafnrétti og fjölbreytileika
Heilsueflandi vinnustað
Gott vinnuumhverfi
30 daga í sumarleyfi
36 stunda vinnuviku
Fyrsta flokks vinnuaðstöðu
Heilsu- og samgöngustyrk
Sundkort
Menningakort

Æskilegt er að viðkomandi geti hafið störf sem fyrst.

Umsóknarfrestur er til og með 26. maí nk. Nánari upplýsingar um starfið veitir María Lovísa Ámundadóttir deildarstjóri hugbúnaðarþróunar í gegnum tölvupóstfangið [email protected]. Með umsókn skal fylgja náms- og starfsferilskrá ásamt kynningarbréfi á íslensku þar sem umsækjandi gerir grein fyrir áhuga og hæfni í starfið.

Öllum umsóknum verður svarað þegar tekin hefur verið ákvörðun um ráðningu. Ákvörðun um ráðningu byggist á innsendum gögnum ásamt frammistöðu í viðtölum. Allir áhugasamir einstaklingar, óháð kyni, eru hvattir til að sækja um starfið.

Umsóknir geta gilt í 6 mánuði eftir að umsóknarfrestur rennur út. Launakjör eru samkvæmt kjarasamningi Reykjavíkurborgar og viðkomandi stéttarfélags.

Reykjavíkurborg er skapandi og metnaðarfullur vinnustaður ásamt því að vera sá stærsti á Íslandi.

Vakin er athygli á stefnu um jafnan hlut kynja í störfum og að vinnustaðir borgarinnar endurspegli það margbreytilega samfélag sem borgin er.

Auglýsing birt11. maí 2026

Umsóknarfrestur26. maí 2026

Tungumálahæfni