Laus störf Hæfnileit Vinnustaðir Námskeið

Bókasafn Múlaþings

Bókasafn Múlaþings er almenningsbókasafn með starfstöðvar á þremur stöðum, Egilsstöðum, Seyðisfirði og Djúpavogi. Útibú safnsins á Seyðisfirði og Djúpavogi eru jafnframt skólabókasöfn. Bókasafn Múlaþings er tengt Landskerfi bókasafna, leitir.is. Allir íbúar í Múlaþingi eiga kost á bókasafnsskírteini, sem gildir á öllum stöðunum, sér að kostnaðarlausu.

Vinnustaðurinn

Bókavörður á Djúpavogi

Bókasafn Múlaþings óskar eftir að ráða bókavörð í um 60% framtíðarstarf á starfsstöð safnsins á Djúpavogi. Safnið er bæði almennings- og skólabókasafn. Samkomulag er um upphaf starfs.

Helstu verkefni starfsmanns eru afgreiðsla, móttaka og frágangur safnkosts ásamt því að leiðbeina og veita safngestum aðstoð.

Næsti yfirmaður er forstöðumaður Bókasafns Múlaþings.

Möguleiki er á hlutastarfi við Djúpavogsskóla til að auka starfshlutfall.

Helstu verkefni og ábyrgð

Umsjón með starfsstöð Bókasafns Múlaþings á Djúpavogi.
Þjónusta við gesti, upplýsingagjöf, aðstoð og afgreiðsla.
Skipuleggja samstarf og þjónustu safnsins við Djúpavogsskóla.
Aðstoð við nemendur og kennara.
Móttaka og frágangur safnkosts.
Umsjón með viðburðahaldi í samráði við yfirmann.

Menntunar- og hæfniskröfur

Gerð krafa um stúdentspróf eða sambærilega menntun sem nýtist í starfi
Góð málakunnátta s.s. íslenska, enska, þriðja tungumál
Góð almenn tölvukunnátta.
Reynsla af notkun gagnasafns Landskerfis bókasafna er kostur
Nákvæmni, samviskusemi og góð samskiptafærni er nauðsyn
Umsækjandi þarf að vera orðinn 18 ára
Hreint sakavottorð

Launakjör eru samkvæmt kjarasamningi Sambands íslenskra sveitarfélaga við Félags opinbera starfsmanna á Austurlandi eða Afl starfsgreinafélag.

Tekið er mið af jafnréttisáætlun Múlaþings við ráðningar í störf hjá sveitarfélaginu. Vinnustaðir Múlaþings eru reyklausir og fjölskylduvænir.

Nánari upplýsingar veitir Kolbrún Erla Pétursdóttir forstöðumaður Bókasafns Múlaþings í síma 470 0745 eða á netfangið [email protected]

Öllum umsóknum skal fylgja yfirlit yfir nám og fyrri störf ásamt kynningarbréfi.

Einungis er tekið við rafrænum umsóknum í gegnum ráðningavef sveitarfélagsins hjá Alfreð.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is.

Allir umsækjendur þurfa að veita heimild til upplýsingaöflunar úr sakaskrá.

Auglýsing birt22. desember 2025

Umsóknarfrestur9. janúar 2026

Tungumálahæfni