Reitir fasteignafélag

Reitir er meðal stærstu fasteignafélaga landsins. Félagið er sérhæft í eignarhaldi, útleigu og umsýslu atvinnuhúsnæðis sem er að stærstum hluta verslunar- og skrifstofuhúsnæði. Innan eignasafnsins eru á annað hundrað fasteignir auk metnaðarfullra þróunarverkefna. Reitir er skráð í Kauphöll Íslands, félagið byggir á arfleifð umsvifa sem hófst með þróun Kringlunnar árið 1987. Á síðari árum hafa Reitir hlúð að sögufrægum byggingum og staðið þannig vörð um íslenskan menningararf á sama tíma og horft er til sjálfbærrar framtíðar. Hjá Reitum starfar reynslumikill og samheldinn hópur sérfræðinga í rekstri, útleigu og fjárfestingu í fasteignum. Gildi Reita; jákvæðni, fagmennska og samvinna eru lykilþættir í daglegri starfsemi.

Vinnustaðurinn

Yfirlögfræðingur

Reitir leitar að öflugum og reynslumiklum einstakling í starf yfirlögfræðings og regluvarðar. Starfið felur í sér yfirgripsmikla ábyrgð á lögfræðilegum málefnum félagsins, stjórnarháttum skráðs hlutafélags og regluvörslu. Starfið heyrir undir forstjóra og felur í sér náið samstarf við stjórn, framkvæmdastjórn og önnur svið félagsins.

Um er að ræða krefjandi og fjölbreytt hlutverk fyrir einstakling með sterka yfirsýn og fagmennsku að leiðarljósi, sem getur tryggt trausta umgjörð um lagaleg verkefni og stuðlað að áframhaldandi vexti og velgengni félagsins.

Helstu verkefni og ábyrgð

Fer með yfirumsjón lögfræðisviðs og tryggir faglega framkvæmd allrar starfsemi þess
Hefur umsjón með allri samningagerð og öðrum lögfræðilegum þáttum er varða leigutaka, útleigu, rekstur og kaup fasteigna
Ber ábyrgð á félagastrúktúr félagsins, skjalagerð í tengslum við skuldabréfaútgáfur og ásamt fjármálastjóra tryggingafyrirkomulagi og veðgæslu vegna fjármögnunar
Fer með regluvörslu félagsins og tryggir að starfsemi þess sé í samræmi við lög, reglur og tilkynningaskyldu skráðra félaga
Ber ábyrgð á peningaþvættisvörnum og hefur yfirumsjón með daglegri umsýslu með lögfræðilegum málefnum, þar á meðal persónuvernd (GDPR) og áreiðanleikakönnunum (KYC)
Starfar sem ritari stjórnar og veitir stjórn og undirnefndum ráðgjöf í tengslum við stjórnarhætti og lagalegar skyldur

Menntunar- og hæfniskröfur

Embættis- eða meistarapróf í lögfræði og réttindi til málflutnings
Að lágmarki 10 ára starfsreynsla sem nýtist í starfi
Reynsla á sviði regluvörslu
Umtalsverð reynsla af sambærilegu starfi eða lögfræðistörfum á fjármálamarkaði
Reynsla og þekking á sviði fasteignakauparéttar, félagaréttar, samningaréttar og/eða persónuverndar er skilyrði
Reynsla og þekking á sviði skipulags- og þróunarmála kostur
Góð greiningar- og ályktunarhæfni og hæfni til að vinna sjálfstætt og undir álagi
Góð samskiptahæfni og færni í teymisvinnu og ráðgjöf til stjórnenda
Mjög góð kunnátta íslensku og ensku, bæði í ræðu og riti

Reitir er leiðandi fyrirtæki í fasteignaþróun ásamt rekstri og eignarhaldi atvinnuhúsnæðis. Innan eignasafns Reita eru um 460 þúsund fermetrar atvinnuhúsnæðis í rekstri auk 700 íbúða og 140 þúsund fermetra atvinnuhúsnæðis í þróun. Við leggjum áherslu á sjálfbæra uppbyggingu innviða og langtíma leigusambönd þar sem  sameiginlegur ávinningur leigutaka, okkar og samfélagsins er í lykilatriði. Fyrirtækið er almenningshlutafélag skráð í Kauphöll síðan 2015. Eigendur eru að stærstum hluta íslenskir lífeyrissjóðir.

Nánari upplýsingar

Hlynur Atli Magnússon – [email protected]

Auglýsing birt30. maí 2025

Umsóknarfrestur13. júní 2025

Tungumálahæfni

Engar sérstakar tungumálakröfur

Staðsetning

Kringlan 4-12, 103 Reykjavík

Starfstegund

Starfsgreinar

Starfsmerkingar

Sambærileg störf (12)