Háskóli Íslands

Háskóli Íslands er einn stærsti vinnustaður landsins. Auk tæplega þrettán þúsund nemenda starfa þar rúmlega sextán hundruð fastráðnir starfsmenn og yfir tvö þúsund stundakennarar og lausráðnir starfsmenn.Megin hlutverk Háskólans er að vera vísindaleg rannsókna- og fræðslustofnun. Til þess að svo megi vera þarf fjölmarga ólíka starfsmenn. Háskóli Íslands er lifandi samfélag þar sem saman koma einstaklingar með ólíkan bakgrunn en allir vinna þó að sama marki að gera Háskóla Íslands að enn öflugri menntastofnun en hún er í dag. Markmið Háskóla Íslands er að vera í fremstu röð háskóla og að nota alþjóðlega viðurkennda mælikvarða við allt gæðamat á starfi skólans. Gerðar eru kröfur til kennara, stjórnenda og annars starfsfólks til að ná þessu markmiði. Í könnunum sem gerðar hafa verið um starfsumhverfi Háskóla Íslands kemur í ljós að starfsánægja er mikil, starfsandi góður og starfsfólk telur sig vera í góðri aðstöðu til að þróast í starfi.

Vinnustaðurinn

Verkefnisstjóri á styrkjaskrifstofu

Laust er til umsóknar fullt starf verkefnisstjóra á styrkjaskrifstofu vísinda- og nýsköpunarsviðs Háskóla Íslands. Meginmarkmið vísinda- og nýsköpunarsviðs er að efla rannsóknir við Háskóla Íslands með almennum stuðningi við rannsókna- og vísindastarf skólans. Styrkjaskrifstofa sinnir stuðningi og eftirliti með erlendum rannsóknaverkefnum, m.a. með ráðgjöf og rýni á samningum og fjármálum alþjóðlegra rannsóknarverkefna Háskóla Íslands og veita stuðning við skimun tækifæra og gerð umsókna.

Helstu verkefni og ábyrgð

Eftirlit og rýni fjárhagsuppgjöra vegna erlendra rannsóknarverkefna
Tryggja samræmd vinnubrögð vegna umsókna í erlenda sjóði og rekstur rannsóknaverkefna innan Háskóla Íslands, t.d. með gerð ferla, leiðbeininga, yfirlestri, ráðgjöf og samskiptum við hagsmunaaðila
Aðstoð við verkefnastjórn erlendra rannsóknarverkefna og stuðningur við rannsakendur
Miðlun upplýsinga um reglur styrkveitenda sem fjármagna rannsóknir
Þáttaka í innleiðingu stefnu HÍ um rannsóknatengd málefni
Fræðsla til samstarfsfólks innan Háskóla Íslands
Umsjón með styrkjatengdri upplýsingasíðu á innri vef Háskólans

Menntunar- og hæfniskröfur

Meistaragráða sem nýtist í starfi
Reynsla af þátttöku í alþjóðlegum verkefnum á sviði rannsókna og nýsköpunar og/eða umsóknaskrifum og utanumhaldi alþjóðlegra verkefna er æskileg
Reynsla af fjárhagsbókhaldi er kostur
Þekking á styrkjakerfi rannsókna og nýsköpunar og helstu alþjóðlegu rannsóknasjóðum (H2020, Horizon Europe, Nordforsk, NIH, EEA Grants, o.s.frv.) er kostur
Íslensku- og enskukunnátta, bæði í ræðu og riti
Hæfni í að setja fram upplýsingar á hnitmiðaðan og skýran hátt
Gott vald á upplýsingatækni, s.s. Excel og hæfni til að tileinka sér nýjungar á því sviði
Hæfni í mannlegum samskiptum, sveigjanleiki og rík þjónustulund

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

Ferilskrá
Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins
Afrit af prófskírteinum
Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir í grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi.

Nánar um Háskóla Íslands, fræðasvið hans og deildir

Auglýsing birt4. nóvember 2025

Umsóknarfrestur17. nóvember 2025

Tungumálahæfni