Orkuveitan

Orkuveitan styður vaxandi samfélög, heimili og atvinnulíf með nýsköpun í orku, veitustarfsemi og kolefnisbindingu. Hjá Orkuveitunni leggjum við áherslu á að vinna með fólki með fjölbreyttan bakgrunn sem býr yfir eða hefur vilja til að byggja upp þá hæfni sem hentar verkefnum hverju sinni. Við tökum forystu í verkefnum og hjá okkur ríkir jákvæður starfsandi. Við tryggjum góðan aðbúnað, sveigjanleika og sköpum starfsfólki aðstæður til að samræma kröfur vinnu og annarra þátta lífsins. Við nýtum okkur tækni í starfsumhverfi og starfsfólk nýtur jafnréttis. Saman erum við lipur, lærdómsfús og óhrædd að prófa nýja hluti til að skapa eftirtektarverðar lausnir og ná hámarks árangri fyrir viðskiptavini og samfélagið.

Vinnustaðurinn

Verkefnastjóri í hugbúnaðarþróun

Vilt þú skapa skipulag og árangur í flóknum tækniverkefnum?

Hugvit og tækni hjá Orkuveitunni leitar að reynslumiklum verkefnastjóra í hugbúnaðarþróun sem hefur brennandi áhuga á því að skapa skipulag og árangur í flóknum tækniverkefnum. Við leitum að einstaklingi sem nýtur þess að vinna í teymi, tengja saman fólk og tækni og láta hlutina gerast.

Þú munt leiða innleiðingu á Microsoft Finance & Operations (nýtt fjárhagskerfi Orkuveitunnar) sem styður við innviði Orkuveitunnar og dótturfélaga. Þú vinnur náið með forriturum, hönnuðum og hagsmunaaðilum og tryggir að verkefni séu unnin markvisst, af fagmennsku og með skýra sýn.

Helstu verkefni og ábyrgð

Skipuleggja, stjórna og fylgja eftir verkefnum frá hugmynd til afhendingar.
Greina þarfir, setja fram markmið og fylgja eftir tímaáætlunum, kostnaði og gæðum.
Tryggja skilvirka samvinnu milli teyma og hagsmunaaðila.
Stýra upplýsingaflæði, halda utan um framvindu og skila reglubundnum stöðuskýrslum.
Bregðast við áskorunum og áhættum í verkefnum á skipulegan hátt.

Menntunar- og hæfniskröfur

Samskiptahæfni númer eitt tvö og þrjú þar sem verkefnið er drifið áfram af góðum samskiptum við alla hagsmunaaðila.
Þú hefur hæfileika til að byggja upp traust og hvetja teymi til árangurs.
Þú ert lausnamiðuð og skipulögð manneskja með góða hæfni til að forgangsraða og fylgja hlutum eftir.
Reynsla sem jafngildir IPMA-B vottun.
Þú hefur reynslu af verkefnastjórnun í hugbúnaðarverkefnum, t.d. sem verkefnastjóri, teymisstjóri eða scrum master.
Kostur er að þú þekkir ferli hugbúnaðargerðar.
Kostur ef þú hefur unnið með verkfæri á borð við Jira, Asana eða sambærileg kerfi.

Við bjóðum þér:

Tækifæri til að leiða fjölbreytt og krefjandi verkefni með sterkum tækniteymum.
Verkefni sem hafa raunveruleg áhrif á samfélagið og framtíðina.
Sveigjanlegt vinnuumhverfi þar sem fagmennska og frumkvæði fá að njóta sín.
Stuðning við þróun þekkingar og hæfni í samræmi við þarfir framtíðar.
Frábæran aðbúnað og aðgang að líkamsrækt í húsi.
Samkeppnishæf laun og fríðindi.
Inngildandi vinnustað með fjölbreyttu og öflugu félagslífi.

Um Hugvit og tækni:

Hugvit og tækni sér um hugbúnaðar- og tæknilausnir fyrir Orkuveituna og dótturfélögin. Við vinnum með nýjustu aðferðum og tækni til að þróa örugg, notendavæn og sjálfbær kerfi sem styðja við starfsemi Orkuveitunnar. Hjá okkur færðu að vinna með reynslumiklu fólki í opnu og jákvæðu starfsumhverfi þar sem hugmyndir og frumkvæði fá að njóta sín.

Um Orkuveituna:

Orkuveitan samanstendur af móðurfélaginu og fjórum dótturfélögum, Orku náttúrunnar, Veitum, Ljósleiðaranum og Carbfix og hefur það hlutverk að styðja vaxandi samfélag, heimili og atvinnulíf með nýsköpun í orku, veitustarfsemi og kolefnisbindingu. Við erum aflvaki sjálfbærrar framtíðar.

📽 Smelltu hér til að kynna þér Orkuveituna sem vinnustað.

Umsóknarfrestur er til og með 16. nóvember 2025

Nánari upplýsingar veitir Kristrún Lilja Júlíusdóttir forstöðukona Hugvits og tækni [email protected]

Auglýsing birt1. nóvember 2025

Umsóknarfrestur16. nóvember 2025

Tungumálahæfni