Verkefnastjóri í fjármálatengdum verkefnum

Laust er til umsóknar fullt starf verkefnastjóra í fjármálatengdum verkefnum á skrifstofu Heilbrigðisvísindasviðs Háskóla Íslands.

Um er að ræða stjórnsýslustarf í lifandi háskólaumhverfi. Starfið felur í sér tækifæri til að þróa verklag, efla upplýsingaflæði og vinna að verkefnum sem tengjast námi, kennslu, rannsóknum og þekkingarsköpun í þágu heilbrigðisvísinda.

Meginhlutverk verkefnastjóra er að stuðla að hagkvæmum rekstri og faglegri þjónustu innan fjármálateymis sviðsins, í nánu samstarfi við rekstrarstjóra. Í starfinu reynir á greiningarhæfni, samskipti, frumkvæði og skipulögð vinnubrögð.

Helstu verkefni og ábyrgð

Kostnaðargreining, reikningagerð, millifærslur og samþykkt reikninga
Umsjón með kostnaðarhlið kennsluáætlana og uppgjöri kennslu
Umsjón með tímaskráningarkerfi vegna kennslu og leiðbeiningar
Fjárhagsleg umsýsla vegna rannsóknarstyrkja og rannsóknareikninga
Gagnaúrvinnsla og upplýsingamiðlun

Menntunar- og hæfniskröfur

Bakkalárpróf í viðskiptafræði, hagfræði eða skyldum greinum sem nýtast í starfi
Góð færni í Excel
Gott vald á upplýsingatækni og hæfni til að nýta nýjungar, þar á meðal gervigreind og stafrænar lausnir, til umbóta í starfi
Reynsla af sambærilegum verkefnum er kostur
Góð samstarfshæfni og rík þjónustulund
Sjálfstæð, skipulögð og lausnamiðuð vinnubrögð
Góð færni í íslensku og ensku, bæði í ræðu og riti

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Starfsstöðin er á skrifstofu Heilbrigðisvísindasviðs í Læknagarði við Vatnsmýrarveg 16. Þar vinnur hópur sérfræðinga saman í teymum að fjölbreyttum verkefnum á sviði kennslu, rannsókna, mannauðsmála, markaðsmála, reksturs og fjármála.

Í tengslum við endurskoðun á skipulagi stjórnsýslu og stoðþjónustu, sem og fyrirhugaðan flutning Heilbrigðisvísindasviðs í nýtt húsnæði, er starfsemi sviðsins í þróun. Verkefni og áherslur starfsins kunna því að taka breytingum.

Gert er ráð fyrir að viðkomandi getið hafið störf sem fyrst eða skv. nánara samkomulagi.

Eftirfarandi gögn skulu fylgja umsókn:

Ferilskrá
Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins
Afrit af prófskírteinum
Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi. 36 stunda vinnuvika hefur verið innleidd í stjórnsýslustörfum skólans.

Nánar um Háskóla Íslands, fræðasvið hans og deildir

Auglýsing birt7. maí 2026

Umsóknarfrestur15. maí 2026

Tungumálahæfni