Austurbrú ses.

Austurbrú vinnur að hagsmunamálum íbúa á Austurlandi og veitir samræmda og þverfaglega þjónustu tengda atvinnulífi, menntun og menningu. Hjá Austurbrú er unnið að rannsóknum og greiningum sem tengjast byggðamálum og Austurlandi, auk ýmissa greininga fyrir stofnanir og einkaaðila. Austurbrú hýsir Áfangastaðastofu Austurlands og ber ábyrgð á markaðssetningu landshlutans í samstarfi við samstarfsaðila og stendur fyrir ýmsum viðburðum sem efla Austurland. Þar á meðal er móttaka blaðamanna, skipulag ráðstefna eins og Mannamóts, ferðaleiðir á Austurlandi og umsjón Austurlands-appsins. Austurbrú sinnir einnig byggðaþróun og vinnur verkefni tengd byggðaáætlun, veitir ráðgjöf til atvinnulífsins varðandi nýsköpun og framþróun auk þess að styðja við hagsmunamál landshlutans s.s. húsnæðisþróun og mannfjöldaspár auk vinnumarkaðsgreininga. Austurbrú er leiðandi afl varðandi menntamál á Austurlandi og sinnir símenntun; þar með talin símenntun fagstétta, fræðsluáætlanir fyrirtækja, framhaldsfræðsla og námsleiðum Fræðslumiðstöðvar atvinnulífsins og háskólamálum hvað varðar próftöku og þróun námsframboðs. Ennfremur eru málefni innflytjenda viðfangsefni Austurbrúar sem er leiðandi í kennslu íslensku á Austurlandi. Að auki hefur Austurbrú daglega umsýslu Sambands sveitarfélaga á Austurlandi á sínu starfssviði og öll málefni sem tengjast landshlutasamtökunum og samskiptum við stjórnvöld.

Vinnustaðurinn

Verkefnastjóri ferða- og markaðsmála á Austurlandi

Ert þú kraftmikill verkefnastjóri? Liggur áhugi þinn í markaðssetningu Austurlands og eflingu landshlutans?

Austurbrú óskar eftir liðsauka í teymi Áfangastaðastofu Austurlands. Starfið felst í að vinna að verkefnum Áfangastaðastofu Austurlands (ÁA) þar sem markmiðið er uppbygging og markaðssetning landshlutans sem spennandi áfangastaðar. Verkefnin eru fjölbreytt s.s. samskipti við ferðaþjónustuaðila innan og utan Austurlands, gerð markaðsefnis og þátttaka í viðburðum innan og utan svæðis. Verkefnið er á svæðisvísu og verkefnastjóri mun vinna með hagaðilum á öllu Austurlandi. Verkefnastjóri tekur virkan þátt í teymisvinnu ÁA og þeim verkefnum Austurbrúar sem hafa samlegð með Áfangastaðastofunni.

Búseta á Austurlandi er skilyrði en verkefnastjóri getur valið hvaða starfsstöð Austurbrúar sem aðalsstarfsstöð.

Við leitum að verkefnastjóra sem á auðvelt með að greina kjarna verkefna, forgangsraða og vinna að skapandi lausum.

Ef þú vilt vinna að mikilvægum verkefnum sem efla Austurland, þá er þetta starfið fyrir þig!

Helstu verkefni og ábyrgð

Þátttaka í öllu starfi markaðsteymis Áfangastaðastofu Austurlands.
Stefnumótun og miðlun á hugmyndafræði Áfangastaðarins Austurlands.
Samskipti við ytri hagaðila og stofnanir.
Kortlagning og þróun ferðamannastaða.
Gerð markaðsefnis og miðlun á þjónustu og viðburðum.
Þátttaka í viðburðum og ferðasýningum.
Þátttaka í eflingu Egilsstaðaflugvallar.
Þverfagleg teymisvinna innan allra verkefna Austurbrúar.
Önnur tengd og tilfallandi verkefni sem viðkomandi eru falin.

Menntunar- og hæfniskröfur

Háskólamenntun sem nýtist í starfi.
Þekking og reynsla af ferðamálum er kostur.
Þekking og reynsla af verkefnastjórnun er kostur.
Þekking á samfélagi svæðisins er kostur.
Sjálfstæð og öguð vinnubrögð.
Framúrskarandi samskiptahæfni og reynsla af teymisvinnu.
Mjög góð færni í íslensku og ensku, önnur tungumál kostur.
Mjög góð tölvu- og tæknifærni (Office, samfélags- og vefmiðlar).
Búseta á Austurlandi.
Bílpróf.

Fríðindi í starfi

Stytting vinnuvikunnar, sveigjanlegur vinnutími, reglulegir heimavinnudagar, heilsueflandi vinnustaður

Umsókn skal fylgja:

Ferilskrá.
Kynningarbréf þar sem fram koma forsendur umsóknar og hvernig umsækjandi uppfyllir starfskröfur.

Umsóknir skal senda til [email protected]

Frekari upplýsingar veitir Signý Ormarsdóttir yfirverkefnastjóri byggða- og atvinnumála [email protected]

Umsóknarfrestur: Til og með 29. september 2025.

Óskað er eftir að viðkomandi geti hafið störf sem fyrst. Búseta á Austurlandi er skilyrði. Laun eru greidd samkvæmt kjarasamningi Sambands íslenskra sveitarfélaga og Visku. Austurbrú er þverfaglegur og spennandi vinnustaður sem er leiðandi í stoðþjónustu á Austurlandi hvað varðar atvinnulíf, menntun, byggðaþróun og menningu. Austurbrú hefur hlotið jafnlaunavottun og er EQM vottuð stofnun á sviði fræðslumála og á lista Creditinfo yfir framúrskarandi fyrirtæki undanfarin ár.

Auglýsing birt18. september 2025

Umsóknarfrestur29. september 2025

Tungumálahæfni