Ferðaráðgjafi í Fyrirtækjaþjónustu

Icelandair leitar að öflugum einstaklingi sem hefur áhuga á fjölbreyttu og krefjandi starfi í fyrirtækjaþjónustudeild, á aðalskrifstofu félagsins í Hafnarfirði. Fyrirtækjaþjónusta Icelandair hefur það markmið að veita framúrskarandi þjónustu til viðskiptavina Icelandair.

Helstu verkefni eru þjónusta við fyrirtæki með samning, þjónusta við Saga Gold meðlimi, þjónusta við ríkisstofnanir og félagasamtök ofl.

Við leitum að lausnamiðuðum einstaklingi með góða Amadeus-kunnáttu, mikla þjónustulund, góða samskiptahæfileika og markvissan áhuga og metnað á að ná góðum árangri í starfi.

Ábyrgðarsvið:

• Sala og breytingar á viðskiptaferðum bæði innanlands sem utan
• Fyrirtækjaþjónusta, upplýsingaveita og ráðgjöf
• Önnur tilfallandi verkefni sem fara fram í deildinni

Hæfni og menntun:

• Menntun sem nýtist í starfi
• Góð færni í Amadeus bókunarkerfinu er skilyrði
• Reynsla af Salesforce er kostur
• Mjög góð íslensku- og ensku kunnátta er nauðsynleg
• Góð almenn tölvuþekking er nauðsynleg

Stefna Icelandair er að stuðla að jafnrétti og fjölbreytileika á meðal starfsfólks og hvetur einstaklinga af öllum kynjum til að sækja um.

Umsóknir óskast ásamt ferilskrá og kynningarbréfi eigi síðar en föstudaginn 26.september.