Laus störf Hæfnileit Vinnustaðir Námskeið

Six Rivers Iceland

Six Rivers Iceland er náttúruverndar- og rekstrarfélag með starfsemi á Norðausturlandi. Félagið vinnur að verndun og uppbyggingu laxastofna og vistkerfa þeirra, samhliða rekstri veiðiáa, veiðihúsa og fjölbreyttra fasteigna. Starfsemin hefur vaxið töluvert undanfarin ár og fram undan eru umfangsmikil uppbyggingar- og framkvæmdaverkefni. Hjá Six Rivers Iceland starfa 11 fastráðnir starfsmenn, auk þess sem starfsmannahópurinn stækkar yfir sumartímann vegna reksturs veiðihúsa og veiðiáa. Starfsstöð félagsins er á Vopnafirði og verkefnin dreifast víða um Norðausturland.

Vinnustaðurinn

Verkefnastjóri fasteigna og framkvæmda

Six Rivers Iceland leitar að öflugum og skipulögðum einstaklingi í starf verkefnastjóra fasteigna og framkvæmda á Vopnafirði.

Fram undan eru umfangsmikil uppbyggingar- og framkvæmdaverkefni hjá félaginu, þar á meðal nýbyggingar við Hofsá og Hafralónsá. Stór hluti starfsins felst í að fylgja þessum verkefnum eftir fyrir hönd félagsins, sinna reglulegu eftirliti með framkvæmdum og tryggja góða yfirsýn yfir framvindu, kostnað og næstu skref.

Samhliða því mun viðkomandi hafa umsjón með fasteignum, tækjum og ökutækjum félagsins og taka þátt í gerð og eftirfylgni fjárfestinga- og viðhaldsáætlana (CAPEX).

Helstu verkefni og ábyrgð

Eftirlit og eftirfylgni með nýbyggingum og öðrum framkvæmdaverkefnum, einkum við Hofsá og Hafralónsá.
Afla og yfirfara tilboð, fylgja kostnaðaráætlunum eftir og tryggja að verk séu unnin í samræmi við samþykkt umfang, ásamt reglulegri eftirfylgni og skýrslugjöf um stöðu verkefna.
Vera tengiliður félagsins við arkitekta, verkfræðinga, verktaka, birgja og aðra aðila sem koma að framkvæmdum.
Taka þátt í gerð og eftirfylgni CAPEX-áætlana, kostnaðaráætlana og fjárhagsáætlana vegna framkvæmda og viðhalds.
Umsjón með fasteignum félagsins, auk búnaðar, tækja og ökutækja, þ.m.t. gerð og eftirfylgni viðhaldsáætlana og skipulagningu reglubundins og fyrirbyggjandi viðhalds.
Umsjón með rekstrarhandbókum og verklagsreglum fyrir veiðihús og aðrar fasteignir.
Eftirlit með orkunotkun og öðrum rekstrarkostnaði fasteigna og leit að tækifærum til hagræðingar.
Virk þátttaka í úrlausn daglegra viðhalds- og rekstrarmála eftir þörfum.

Menntunar- og hæfniskröfur

Menntun eða reynsla sem nýtist við verkefnastjórnun, framkvæmdir, byggingariðnað, fasteignarekstur eða sambærileg verkefni.
Reynsla af framkvæmdum, framkvæmdaeftirliti eða verkefnastjórnun er mikill kostur.
Góð almenn tæknileg þekking á fasteignum, byggingum og viðhaldi.
Reynsla af kostnaðaráætlunum, fjárhagsáætlunum og/eða CAPEX er kostur.
Góð tölvukunnátta og geta til að halda skipulega utan um gögn, áætlanir og skýrslugjöf.
Sjálfstæð, skipulögð og lausnamiðuð vinnubrögð.
Frumkvæði, ábyrgð og góð samskiptahæfni.
Góð íslensku- og enskukunnátta.
Ökuréttindi.

Um starfið

Um er að ræða 100% tímabundið starf til tveggja ára, með möguleika á framlengingu. Æskilegt er að viðkomandi geti hafið störf sem fyrst, eða eftir samkomulagi.

Starfið er staðsett á Vopnafirði og nauðsynlegt er að viðkomandi hafi búsetu á svæðinu meðan á ráðningu stendur, enda felur starfið í sér reglulegt eftirlit með framkvæmdum og eignum félagsins. Húsnæði stendur til boða fyrir þann sem ráðinn verður.

Starfið býður upp á einstakt tækifæri til að taka þátt í umfangsmikilli uppbyggingu Six Rivers Iceland á Norðausturlandi og hafa raunveruleg áhrif á þróun, framkvæmdir og rekstur fasteigna félagsins.

Um Six Rivers Iceland

Hjá Six Rivers Iceland starfa 11 fastráðnir starfsmenn, auk þess sem starfsmannahópurinn stækkar yfir sumartímann vegna reksturs veiðihúsa og veiðiáa. Starfsstöð félagsins er á Vopnafirði og verkefnin dreifast víða um Norðausturland.

Umsóknarfrestur er til og með 27. september 2026

Sótt er um starfið á www.mognum.is

Með umsókn skal fylgja ítarleg ferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda.

Nánari upplýsingar veita:

Telma Eiðsdóttir; [email protected]

Sigríður Ólafsdóttir; [email protected]

Auglýsing birt17. september 2026

Umsóknarfrestur27. september 2026

Tungumálahæfni