Verkefnastjóri á sviði mannauðsmála - afleysingar

GG Verk leitar að öflugum og skipulögðum verkefnastjóra á sviði mannauðsmála til að leiða og þróa mannauðsmál fyrirtækisins næstu mánuði. Viðkomandi þyrfti að geta hafið störf sem fyrst.

Um starfið

Um er að ræða tímabundið fullt starf (í 8-9 mánuði) með mikilli ábyrgð, breidd og tækifæri til að hafa raunveruleg áhrif á skipulag, starfsumhverfi og árangur okkar. Viðkomandi mun starfa beint undir framkvæmdastjóra þjónustu og samskipta.

Starfið er fjölbreytt og krefst bæði yfirsýnar, framkvæmda- og samskiptahæfni. Verkefnastjóri á sviði mannauðsmála vinnur náið með framkvæmdastjórn, verkefnastjórum og stoðsviðum fyrirtækisins.

Helstu verkefni:

• Dagleg umsýsla og þróun mannauðsmála
• Ráðningarferli og móttaka nýrra starfsmanna
• Skipulagning og samræming vaktaplans, orlofs og skipulag mannauðs
• Umsýsla veikindaskráninga og tengdra ferla
• Þátttaka í mælingum á frammistöðu og uppfærslu BI mælaborðs
• Stuðningur við stjórnendur í mannauðsmálum
• Umsýsla vinnufatnaðar og öryggisbúnaðar
• Umsjón með leiguíbúðum fyrir erlent starfsfólk
• Samstarf við fjármálasvið vegna launatengdra mála
• Skipulagning viðburða og starfsmannatengdra verkefna
• Þátttaka í þróun ferla og umbóta á sviði mannauðsmála
• Önnur tilfallandi verkefni á sviði mannauðsmála

Starfið er bæði stefnumótandi og framkvæmdamiðað.

Við leitum að einstaklingi sem:

• Hefur háskólamenntun sem nýtist í starfi
• Hefur reynslu af mannauðsmálum, rekstri eða verkefnastjórnun
• Er skipulagður, lausnamiðaður og sjálfstæður í starfi
• Býr yfir sterkri samskiptahæfni , er áræðin/n og getur tekið ákvarðanir hratt
• Hefur þekkingu á meðferð trúnaðarupplýsinga
• Talar og ritar góða íslensku og ensku
• Hefur framúrskarandi áhuga á fólki, vinnur vel í teymi og er lausnamiðaður
• Þekkir og nýtir stafrænar lausnir og gervigreind í starfi
• Hefur mjög góða færni í helstu tölvukerfum
• Þrífst í hraðskreiðu og fjölbreyttu umhverfi

Reynsla af mannauðskerfum á borð við Kjarna og Tímon er kostur.

Um GG Verk

GG Verk er eitt stærsta byggingarfyrirtæki landsins og verður 20 ára á árinu. Fyrirtækið er ISO 9001 og jafnlaunavottað og leggur ríka áherslu á fagmennsku, skipulag og ábyrgð í öllum verkum.

Við vinnum í alþjóðlegu umhverfi þar sem fjölbreyttur bakgrunnur starfsfólks er styrkur. Við byggjum ekki aðeins vönduð mannvirki, heldur byggjum við saman sterkt starfs- og þekkingarumhverfi. Árlegar starfsánægjumælingar sýna að GG er eftirsóttur vinnustaður, þar sem fólk er sett í fyrsta sæti.

Umsókn

Áhugasamir eru hvattir til að senda ferilskrá og kynningarbréf í gegnum Alfred.is. Nánari upplýsingar veitir Brynhildur S. Björnsdóttir, framkvæmdastjóri þjónustu- og samskipta ([email protected]),

Umsóknarfrestur er til 15. mars en umsóknir eru yfirfarnar jafnóðum. Farið er með allar fyrirspurnir og umsóknir sem trúnaðarmál.