Laus störf Hæfnileit Vinnustaðir Námskeið

Reykjanesbær

Reykjanesbær er fjölskylduvænn bær sem þroskar og nærir hæfileika allra í gegnum öflugt skóla-, íþrótta-, og menningarstarf. Íbúar sinna fjölbreyttum störfum í vistvænu fjölmenningarsamfélagi sem einkennist af framsækni, eldmóði og virðingu. Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

Vinnustaðurinn

Velferðarsvið - Félagsráðgjafi í Virkni- og ráðgjafarteymi

Reykjanesbær leitar að öflugum félagsráðgjafa til að ganga til liðs við hóp metnaðarfullra sérfræðinga í virkni- og ráðgjafarteymi velferðarsviðs. Um er að ræða 100% starf.

Reykjanesbær hefur sett sér stefnu um velferð íbúa og samfélagsins til ársins 2030. Yfirskrift stefnunnar er Reykjanesbær í krafti fjölbreytileikans. Lögð er áhersla á að nýta til fulls kosti fjölbreytileikans og efla alla bæjarbúa til að búa sér og börnum gott líf með virkri þátttöku í samfélaginu. Jafnframt er lögð áhersla á að auka lífsgæði og samskipti bæjarbúa og veita jöfn tækifæri til heilbrigðs lífs og hamingju með vellíðan íbúa að leiðarljósi.

Nærgætni, sveigjanleiki og virðing gagnvart fjölbreytileika mannlífsins er því einkar mikilvæg þar sem leitast er eftir því að auka lífsgæði og sjálfstæði þjónustunotenda í hvívetna.

Æskilegt er að viðkomandi geti hafið störf sem fyrst eða eftir samkomulagi. Launakjör eru í samræmi við samning Sambands íslenskra sveitarfélaga og viðeigandi stéttarfélags. 

Helstu verkefni og ábyrgð

Félagsleg ráðgjöf, málstjórn, þjónusta og stuðningur við einstaklinga og fjölskyldur.

Móttaka, greining og úrvinnsla á umsóknum um þjónustu.

Gerð einstaklingsáætlana og eftirfylgd mála.

Vitjanir til þjónustunotenda og vettvangsstarf eftir þörfum.

Þverfaglegt samstarf innan og utan stofnunar vegna einstaklings- og/eða fjölskyldumála

Virk þátttaka í þróun og innleiðingu breytinga og nýjunga á velferðarsviði.

Menntunar- og hæfniskröfur

Menntun til starfsréttinda í félagsráðgjöf eða önnur háskólamenntun sem nýtist í starfi.

Framúrskarandi hæfni í mannlegum samskiptum og sterk leiðtogafærni.

Frumkvæði, skipulögð vinnubrögð og hæfni til þverfaglegs samstarfs.

Þekking og reynsla á sviði félagsþjónustu sveitarfélaga mikilvæg.

Þekking og reynsla af opinberri stjórnsýslu æskileg.

Þekking og reynsla af vinnu með fólki af erlendum uppruna kostur.

Þekking og reynsla á störfum með fólki með geð- og fíknivanda kostur.

Góð íslensku- og enskunnátta í mæltu og rituðu máli.

Önnur tungumálakunnátta er kostur.

Hreint sakavottorð.

Hlunnindi:

Bókasafnskort

Gjaldfrjáls aðgangur að menningarhúsum

Gjaldfrjáls aðgangur í sund

Gjaldfrjáls aðgangur í strætó

Sótt er um á vef Reykjanesbæjar, www.reykjanesbær.is, undir laus störf. Umsóknum skal fylgja ferilskrá ásamt kynningarbréfi með rökstuðningi um hæfni viðkomandi í starfið ásamt upplýsingum um umsagnaraðila. Öllum umsóknum verður svarað. 

Áhugasamir einstaklingar, án tillits til kyns, eru hvattir til að sækja um.

Frekari upplýsingar um starfið veitir Hilma Hólmfríður Sigurðardóttir teymisstjóri virkni- og ráðgjafarteymis í síma 421-6700 eða í gegnum netfangið [email protected].  

Auglýsing birt23. janúar 2025

Umsóknarfrestur6. febrúar 2025

Tungumálahæfni