Laus störf Hæfnileit Vinnustaðir Námskeið

Orkubú Vestfjarða

Orkubú Vestfjarða ohf. býr að áratuga reynslu við virkjun vatnsafls og jarðhita og dreifingu og sölu raforku. Fyrirtækið á og rekur orkuver og raforkustöðvar til raforkuframleiðslu, ásamt nauðsynlegum mannvirkjum til raforkuflutnings og raforkudreifingar, jarðvarmavirki og fjarvarmakyndistöðvar ásamt nauðsynlegu dreifikerfi. Fyrirtækið var stofnað þann 26. ágúst 1977 og var þá sameignarfélag sveitarfélaga á Vestfjörðum og ríkisins. Fyrirtækið hóf formlega starfsemi þann 1. janúar 1978. Orkubú Vestfjarða ohf. var stofnað á grundvelli laga sem samþykkt voru á Alþingi 2001. Frá árinu 2002 hefur Orkubú Vestfjarða ohf. verið að fullu í eigu ríkisins.

Vinnustaðurinn

Vélaverkfræðingur

Orkubú Vestfjarða leitar að vélaverkfræðingi til starfa á aðalskrifstofu Orkubús Vestfjarða á Ísafirði. Leitað er að metnaðarfullum einstaklingi sem hefur brennandi áhuga á orkumálum og á gott með að vinna hvort sem er sjálfstætt eða í samstarfi við aðra. Viðkomandi mun starfa með öflugu teymi tæknimanna Orkubúsins sem hafa víðtæka reynslu, menntun og þekkingu á uppbyggingu, rekstri og viðhaldi orkukerfa. Fram undan eru stór verkefni sem snúa að uppbyggingu hitaveitna og virkjana.

Helstu verkefni og ábyrgð

Verkefnastjórnun.
Uppfærsla verklýsinga og verkáætlana.
Minniháttar hönnunarverkefni.
Samskipti við hönnuði vegna stærri verkefna.
Vinna við vélateikningar, umsjón og skjölun.
Samskipti við hönnuði, birgja og verktaka.
Upplýsinga- og skýrslugjöf.
Ýmis önnur verkefni.

Menntunar- og hæfniskröfur

Háskólapróf í vélaverkfræði.
Framhaldsmenntun er kostur.
Þekking og reynsla af verkefnastjórnun er kostur.
Reynsla af verklegum framkvæmdum.
Þekking og reynsla af notkun CAD-hugbúnaðar.
Frumkvæði og hæfni til að vinna sjálfstætt sem og í hópi.
Jákvæðni og góð færni í mannlegum samskiptum.
Góð íslensku- og enskukunnátta, bæði í ræðu og riti.

Orkubú Vestfjarða býr að áratuga reynslu við virkjun vatnsafls og jarðhita og dreifingu og sölu raforku. Fyrirtækið stendur nú frammi fyrir miklum framkvæmdum, bæði í tengslum við varmadæluvæðingu fyrir rafkyntar hitaveitur og byggingu á 9,9 MW vatnsaflsvirkjun.

Starfsmenn Orkubúsins eru um 65 talsins á þremur starfssvæðum og þjónusta þeir dreifikerfi fyrir Vestfirði og sölukerfi, sem nær til landsins alls auk þess að sjá um rekstur virkjana og hitaveitna Orkubúsins. Aðalskrifstofa er á Ísafirði og svæðisskrifstofur á Hólmavík og Patreksfirði.

Umsóknarfrestur er til og með 28. janúar næstkomandi.

Sótt er um starfið á www.vinnvinn.is

Umsókn skal fylgja ferilskrá og kynningarbréf þar sem gerð er grein fyrir ástæðu umsóknar og rökstuðningur um hæfni viðkomandi til að gegna starfinu.

Umsjón með starfinu hafa Garðar Ó. Ágústsson ([email protected]) og Hilmar G. Hjaltason ([email protected]) hjá Vinnvinn.

Auglýsing birt14. janúar 2026

Umsóknarfrestur28. janúar 2026

Tungumálahæfni