Vaktstjóri á Bari – vinsæll vínbar og smáréttastaður í miðborginni

Við erum að leita að öflugum og metnaðarfullum vaktstjóra til liðs við okkur. Bari er líflegur vínbar og veitingastaður sem byggir á vönduðum smáréttum, góðri stemningu og framúrskarandi þjónustu.

Við leitum að einstaklingi sem hefur sterka reynslu úr þjónustu og rekstri veitingastaða, brennur fyrir gestrisni og hefur getu til að leiða teymi í hraðskreiðu umhverfi. Starfið hentar einstaklingi sem er lausnamiðaður, skipulagður og nær að halda háum gæðum í þjónustu jafnvel á annasömum kvöldum.

Mikil áhersla er lögð á fagmennsku, þjónustulund, samskipti og auga fyrir upplifun gesta. Þekking og áhugi á vínum og veitingastöðum er stór kostur.