Laus störf Hæfnileit Vinnustaðir Námskeið

SÁÁ

SÁÁ eru frjáls og óháð almannaheillasamtök sem starfrækja sérhæfða heilbrigðis- og lýðheilsuþjónustu vegna fíknsjúkdóms og veita jafnframt víðtækan stuðning við aðstandendur. Samtökin gegna lykilhlutverki í íslensku heilbrigðiskerfi og bjóða upp á samfellu í þjónustu sem nær yfir fráhvarfs- og lyfjameðferð, inniliggjandi meðferð, dag- og göngudeildarþjónustu, eftirfylgni og stuðning. Þjónustan er veitt í samræmi við faglegar leiðbeiningar, bestu þekkingu hverju sinni og gagnreyndar aðferðir. SÁÁ eru bæði þjónustuaðili og málsvari. Samtökin sinna sérhæfðri meðferð í umboði samfélagsins og standa jafnframt vörð um réttindi, velferð og mannvirðingu fólks með fíknsjúkdóm og fjölskyldna þeirra. Í starfinu er lögð sérstök áhersla á að tryggja jafnt aðgengi að árangursríkri meðferð, veita heildræna og þverfaglega þjónustu og efla bataferli einstaklinga og nánustu aðstandenda þeirra með markvissum stuðningi og fræðslu. Sjá nánar á www.saa.is

Vinnustaðurinn

UPPLÝSINGATÆKNISTJÓRI

Vilt þú leiða stafræna þróun sem styður klíníska þjónustu, eykur öryggi og einfaldar dagleg störf fagfólks?

SÁÁ leitar að framsýnum og lausnamiðuðum upplýsingatæknistjóra til að leiða stafræna vegferð félagsins.

Upplýsingatæknistjóri gegnir lykilhlutverki í innleiðingu nýs þjónustusamnings við Sjúkratryggingar Íslands (SÍ) og uppbyggingu öruggra, samræmdra og skilvirkra upplýsingakerfa sem styðja klíníska þjónustu, rekstur og gæðastarf.

Starfið felur í sér mikla samvinnu með stjórnendum, fagfólki og ytri samstarfsaðilum.

Upplýsingatæknistjóri er hluti af stjórnendateymi SÁÁ.

Helstu verkefni og ábyrgð

Mótun og innleiðing stafrænnar stefnu SÁÁ í takt við þarfir klínískrar þjónustu og reksturs
Innleiðing og þróun stafrænna lausna og upplýsingakerfa, m.a. rafrænnar sjúkraskrár, lyfjaskráningar og tengdra kerfa sem bæta notendaupplifun, draga úr handavinnu og styðja við klínískt álag
Rekstur stafrænna umbótaverkefna frá greiningu til innleiðingar og eftirfylgni
Tryggja að upplýsingakerfi uppfylli kröfur um persónuvernd, netöryggi og gæðastjórnun
Þróun og innleiðing mælaborða og rekstrarupplýsinga sem styðja gagnadrifna ákvarðanatöku og skýrslugerð
Samræming og skjölun ferla þannig að upplýsingar flæði örugglega og rétt milli kerfa, ásamt sjálfvirknivæðingu og einföldun ferla fyrir störf starfsfólk
Umsjón með daglegum rekstri upplýsingakerfa, búnaðar og notendaþjónustu
Samskipti við þjónustuaðila og birgja og umsjón með þjónustusamningum
Ábyrgð á fjárhagsáætlunum og kostnaðareftirliti á sviði upplýsingatækni
Önnur verkefni í samráði við stjórnendur

Menntunar- og hæfniskröfur

Háskólamenntun sem nýtist í starfi svo sem; upplýsingatækni, tölvunarfræði, verkfræði eða öðru sambærilegum greinum
Reynsla af innleiðingu upplýsingakerfa, stafrænum umbótum eða verkefnastjórnun í flóknu rekstrarumhverfi
Góð þekking á upplýsingaöryggi, persónuvernd og rekstri tæknilausna
Sterk leiðtogafærni og hæfni til að leiða breytingar og þróunarverkefni
Reynsla eða skilningur á heilbrigðisþjónustu og klínískum ferlum kostur
Góð yfirsýn, öguð og skipulögð vinnubrögð
Sjálfstæði, frumkvæði og lausnamiðuð hugsun
Rík færni til samskipta og samstarfs
Leiðtogahæfni og farsæl reynsla af þverfaglegri teymisvinnu
Góð íslensku- og enskukunnátta í rituðu og töluðu máli

Sótt er um á www.mognum.is

Umsóknarfrestur er til og með 7. apríl 2026

Umsókn þarf að fylgja ítarleg starfsferilskrá ásamt umsagnaraðilum og kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda.

Nánari upplýsingar veita:

Sigríður Ólafsdóttir I [email protected]

Telma Eiðsdóttir I [email protected]

SÁÁ eru frjáls og óháð almannaheillasamtök sem starfrækja sérhæfða heilbrigðis- og lýðheilsuþjónustu vegna fíknsjúkdóms og veita jafnframt víðtækan stuðning við aðstandendur.

Samtökin gegna lykilhlutverki í íslensku heilbrigðiskerfi og bjóða upp á samfellu í þjónustu sem nær yfir fráhvarfs- og lyfjameðferð, inniliggjandi meðferð, dag- og göngudeildarþjónustu, eftirfylgni og stuðning. Þjónustan er veitt í samræmi við faglegar leiðbeiningar, bestu þekkingu hverju sinni og gagnreyndar aðferðir.

SÁÁ eru bæði þjónustuaðili og málsvari.

Samtökin sinna sérhæfðri meðferð í umboði samfélagsins og standa jafnframt vörð um réttindi, velferð og mannvirðingu fólks með fíknsjúkdóm og fjölskyldna þeirra. Í starfinu er lögð sérstök áhersla á að tryggja jafnt að

gengi að árangursríkri meðferð, veita heildræna og þverfaglega þjónustu og efla bataferli einstaklinga og nánustu aðstandenda þeirra með markvissum stuðningi og fræðslu.

Sjá nánar á www.saa.is

Auglýsing birt9. mars 2026

Umsóknarfrestur7. apríl 2026

Tungumálahæfni