Laus störf Hæfnileit Vinnustaðir Námskeið

Orkuveitan

Orkuveitan styður vaxandi samfélög, heimili og atvinnulíf með nýsköpun í orku, veitustarfsemi og kolefnisbindingu. Hjá Orkuveitunni leggjum við áherslu á að vinna með fólki með fjölbreyttan bakgrunn sem býr yfir eða hefur vilja til að byggja upp þá hæfni sem hentar verkefnum hverju sinni. Við tökum forystu í verkefnum og hjá okkur ríkir jákvæður starfsandi. Við tryggjum góðan aðbúnað, sveigjanleika og sköpum starfsfólki aðstæður til að samræma kröfur vinnu og annarra þátta lífsins. Við nýtum okkur tækni í starfsumhverfi og starfsfólk nýtur jafnréttis. Saman erum við lipur, lærdómsfús og óhrædd að prófa nýja hluti til að skapa eftirtektarverðar lausnir og ná hámarks árangri fyrir viðskiptavini og samfélagið.

Vinnustaðurinn

Upplýsinga- og skjalastjórnun hjá Orkuveitunni - tímabundið starf

Orkuveitan leitar að drífandi einstakling til að leiða áfram innleiðingu og þróun skjala- og upplýsingastjórnunar innan Orkuveitunnar og dótturfélaga hennar.

Hlutverkið snýst um að styðja við daglega notkun WorkPoint skjalakerfisins, tryggja samræmt verklag í skráningu, varðveislu og aðgengi skjala og veita starfsfólki skýra leiðsögn og stuðning við að tileinka sér nýtt vinnulag. Jafnframt felur starfið í sér að leiða umbætur og breytingar á sviði skjalamála í takt við stafræna þróun og breytt vinnulag.

Starfið krefst náins samstarfs við stjórnendur, sérfræðinga og tækniteymi þvert á fyrirtækið. Því er mikilvægt að viðkomandi njóti þess að vinna með fólki, leiða aðra til árangurs og miðla þekkingu á skýran og hvetjandi hátt.

Helstu verkefni og ábyrgð

Leiða og styðja við innleiðingu og áframhaldandi þróun WorkPoint skjalakerfisins í nánu samstarfi við notendur, tækniteymi og birgja
Leiða umbætur og breytingar á sviði skjalamála í takt við stafræna þróun og breytt vinnulag
Ábyrgð á skjala- og upplýsingamálum móðurfélags og dótturfélaga Orkuveitunnar
Mótun verklags og þróun skjalastefnu til framtíðar með áherslu á hagnýtingu upplýsinga, varðveislu og stjórnun þekkingar
Tryggja ábyrga meðhöndlun upplýsinga og skjala, þar á meðal varðveislu, aðgengi og eyðingu í samræmi við stefnu, ferla og lög og reglur um opinber skjalasöfn og upplýsingalög
Umsjón með skjalastjórnarkerfi, þar á meðal aðgangsstýringum, leyfismálum og samræmingu milli eininga
Fræðsla, ráðgjöf og stuðningur við starfsfólk og stjórnendur í skjala- og upplýsingastjórnun
Taka þátt í samráði um stefnu og framtíðarsýn fyrir skjala- og upplýsingastjórn innan Orkuveitunnar.

Menntunar- og hæfniskröfur

Háskólapróf á sviði upplýsingafræði eða sambærileg menntun
Reynsla af sambærilegum störfum er nauðsynleg
Þekking á Microsoft 365 lausnum og sérstaklega Sharepoint æskileg
Reynsla af WorkPoint skjalakerfi æskileg
Góð skilningur á lögum og reglum sem varða skjalamál og upplýsingastjórnun
Góð samskiptafærni og hæfni til að miðla þekkingu á skýran og hvetjandi hátt
Hæfni til að leiða breytingar og sjálfstæð vinnubrögð
Skipulagshæfni og áhugi á að bæta og einfalda verklag

Æskilegt er að viðkomandi geti hafið störf sem fyrst og er starfstímabilið til október 2027.

Gæða og skjalamál Orkuveitunnar eru innan deildarinnar Hugvits og tækni sem sér um hugbúnaðar- og tæknilausnir fyrir Orkuveituna og dótturfélögin. Við vinnum með nýjustu aðferðum og tækni til að þróa örugg, notendavæn og sjálfbær kerfi sem styðja við starfsemi Orkuveitunnar. Hjá okkur færðu að vinna með reynslumiklu fólki í opnu og jákvæðu starfsumhverfi þar sem hugmyndir, frumkvæði og fagmennska fá að njóta sín.

Um Orkuveituna

Orkuveitan samanstendur af móðurfélaginu og fjórum dótturfélögum: Orku náttúrunnar, Veitum, Ljósleiðaranum og Carbfix. Hlutverk Orkuveitunnar er að styðja vaxandi samfélag, heimili og atvinnulíf með nýsköpun í orku, veitustarfsemi og kolefnisbindingu. Við erum aflvaki sjálfbærrar framtíðar.

📽 Smelltu hér til að kynna þér Orkuveituna sem vinnustað.

Umsóknarfrestur er til og með 28. febrúar 2026.
Nánari upplýsingar veitir Karitas Jónsdóttir, gæðastjóri.

Auglýsing birt12. febrúar 2026

Umsóknarfrestur28. febrúar 2026

Tungumálahæfni