Sumarstarf hjá Carbfix

Viltu vinna með okkur í sumar? Hjá okkur færðu skemmtilega og hagnýta reynslu af því að vinna með reynslumiklu fagfólki á fjölbreyttum og lifandi vinnustað sem leitast við að vera í fremstu röð hvað snertir öryggi, vinnuumhverfi og möguleika til að samræma vinnu og fjölskylduábyrgð.

Starfið hentar háskólanemum með áhuga á verkefnastýringu, gagnagreiningu, verkfræði og/eða rekstri fyrirtækja.

Carbfix er tæknilausn sem bindur koldíoxíð varanlega í bergi á innan við tveimur árum.

Við tökum jafnréttið alvarlega

• Við viljum hafa sem fjölbreyttastan hóp starfsfólks og hvetjum því fólk til að sækja um óháð kyni og uppruna.
• Við val á nýju starfsfólki er tekið mið af hæfni, reynslu og umsögnum þannig að það borgar sig að fylla vandlega út umsóknina.

Starfstímabilið er frá miðjum maí fram í lok ágúst. Umsóknarfrestur er til 28. febrúar 2026.
Einungis er tekið á móti umsóknum á ráðningarvef Carbfix, starf.carbfix.is.

Öllum umsóknum verður svarað fyrir 31.mars 2026.

Fyrir frekari upplýsingar, hafið samband við [email protected]