Sérfræðingur í þróun mannvirkjaskrár
Vilt þú starfa á nútímalegum vinnustað sem leggur áherslu á gagnsæi og rekjanleika, öfluga miðlun upplýsinga, árangursríkt samstarf við hagaðila og nýsköpun í mannvirkjagerð?
Húsnæðis- og mannvirkjastofnun leitar að metnaðarfullum einstaklingi til að taka þátt í þróun og eflingu mannvirkjaskrár á svið mannvirkja og sjálfbærni.
Mannvirkjaskrá er lykilþáttur þegar kemur að því að tryggja rekjanleika og auka skilvirkni í mannvirkjagerð. Í mannvirkjaskrá er meðal annars að finna upplýsingar um stærðir og eiginleika bygginga, hönnuði þeirra og byggingaraðila ásamt framvindu og úttektir á byggingartíma.
Til staðar er fjöldi spennandi þróunartækifæra til að efla mannvirkjaskrá og rekjanleika mannvirkjagerðar til framtíðar, til dæmis varðandi móttöku rafrænna hönnunargagna og vistun mikilvægra upplýsinga á borð við orkunýtingu, vottanir, tjón, viðhald og fleira sem gerist á líftíma mannvirkja.
- Umsjón og bein þátttaka í þróun mannvirkjaskrár
- Þátttaka í stefnumótum og innleiðingu mannvirkjaskrár til framtíðar, þ.m.t. ýmissa starfrænna lausna er varðar þróunina
- Sinna verkefnum sem tengjast innleiðingu og eftirfylgni mannvirkjaskrár hjá sveitarfélögum
- Samskipti og samráð við starfsfólk HMS og sveitarfélaga, hönnuði mannvirkja og aðra hagaðila ásamt miðlun upplýsinga innan sem utan HMS
- Styðja við vinnu milli teyma innan HMS tengda þróun mannvirkjaskrár og eftirfylgni með framvindu.
- Tryggja að verklag og ákvarðanir einstakra þátta styðji við heildarverkefnið
- Önnur verkefni í samræmi við starfssvið
- Háskólamenntun á byggingarsviði, svo sem verkfræði, tæknifræði, byggingafræði eða arkitektúr
- Reynsla af mannvirkjahönnun og umsóknaferli byggingarleyfa
- Reynsla af stafrænni tækni í mannvirkjagerð, svo sem BIM, er kostur
- Góð greiningar- og skipulagshæfni og reynsla af umsjón verkefna
- Mikið frumkvæði og sjálfstæði ásamt metnaði til að ná árangri í starfi
- Góð samskipta- og samstarfshæfni, jákvætt og lausnamiðað viðhorf
- Gott vald á íslensku og ensku
Íslenska
Enska
