Laus störf Hæfnileit Vinnustaðir Námskeið

Hafrannsóknastofnun

Hafrannsóknastofnun er stærsta rannsóknastofnun landsins á sviði haf- og vatnarannsókna og gegnir auk þess ráðgjafarhlutverki varðandi skynsamlega nýtingu og verndun auðlinda hafs og vatna. Stofnunin heyrir undir matvælaráðuneytið. Stofnunin rekur, auk aðalstöðvar í Hafnarfirði, starfsstöðvar vítt og breitt um landið, tilraunaeldisstöð, tvö rannsóknaskip og hjá stofnuninni starfa að jafnaði um 190 manns í fjölbreyttum störfum.

Vinnustaðurinn

Umsjónarmaður veiðarfæra og rekstrarbúnaðar

Hafrannsóknastofnun auglýsir starf umsjónamanns veiðarfæra og rekstarbúnaðar laust til umsóknar. Um er að ræða fjölbreytt og krefjandi starf fyrir dugmikinn og þjónustuliprann einstakling. Starfið felur í sér umsjón og ábyrgð á verkefnum tengdum rekstrarvörulager og veiðafærum útgerðar, auk tækjabúnaðar sem tengist útgerð og starfsemi stofnunarinnar.

Helstu verkefni og ábyrgð

Hafa umsjón með veiðarfærum og rekstrarvörulager, þar með talið skipulag, skráningu og viðhald.
Annast innkaup og pöntun á rekstrarvöru fyrir rannsóknarskip, bíla, tæki og lager.
Gera og framfylgja viðhaldsáætlunum fyrir tæki, búnað og farartæki sem heyra undir lagerinn.
Innleiða og reka bókunarkerfi fyrir afnot af búnaði, tækjum og tólum.
Veita öfluga þjónustu við innri og ytri viðskiptavini í tengslum við afnot og aðgengi að veiðafærum og búnaði. Fylgja stefnu og áherslum stofnunarinnar, m.a. í tengslum við sjálfbærni og umhverfismál.
Vinna önnur tilfallandi verkefni samkvæmt fyrirmælum yfirmanns

Menntunar- og hæfniskröfur

Sérhæfð starfsreynsla sem nýtist í starfi
Þekking og reynsla á innkaupaferlum, veiðafærum og vörustjórnun.
Geta til að gera viðhaldsáætlanir.
Þekking og reynsla af útboðsmálum æskileg.
Lipurð í mannlegum samskiptum og góð þjónustulund.
Frumkvæði, drifkraftur og metnaður
Sjálfstæð vinnubrögð og lausnamiðuð nálgun
Jákvætt viðmót, þjónustulund og góðir samskiptahæfileikar
Rík öryggis og kostnaðarvitund
Góð færni til að tjá sig í ræðu og riti á íslensku og ensku.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja:

Ítarleg náms- og ferilskrá
Afrit af prófskírteinum
Kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.
Tilnefna skal tvo meðmælendur

Sótt er um starfið á Starfatorgi og er öllum umsóknum svarað þegar ákvörðun um ráðningu liggur fyrir. Starfshlutfall er 100%.

Ófullnægjandi umsóknir eru ekki teknir til greina. Umsókn getur gilt í sex mánuði eftir að umsóknarfresti lýkur. Gerð er krafa um að umsækjendur hafi hreint sakavottorð. Hafrannsóknarstofnun áskilur sér jafnframt rétt til að hafna öllum umsóknum.

Við ráðningu í störf hjá Hafrannsóknastofnun er tekið mið af jafnréttisáætlun stofnunarinnar:

https://www.hafogvatn.is/is/um-okkur/hafrannsoknastofnun/stefnur/jafnrettisaaetlun

Hafrannsóknastofnun, rannsókna- og ráðgjafarstofnun hafs og vatna er stærsta rannsóknastofnun landsins á sviði hafs- og vatnarannsókna og gegnir auk þess ráðgjafarhlutverki varðandi sjálfbæra nýtingu og verndun auðlinda hafs og vatna og í fiskeldi. Hún heyrir undir atvinnuvega- og nýsköpunarráðuneytið.

Hluti starfseminnar tengist alþjóðlegu samstarfi við erlendar hafrannsóknastofnanir og háskóla. Stofnunin rekur auk aðalstöðva í Hafnarfirði starfsstöðvar vítt og breytt um landið, tilraunaeldisstöð, tvö rannsóknaskip og hefur að jafnaði um 200 starfsmenn í þjónustu sinni.

Gildi Hafrannsóknastofnunar eru: Þekking - Samvinna - Þor

Starfshlutfall er 100%

Umsóknarfrestur er til og með 20.11.2025

Nánari upplýsingar veitir

Stefán Eyfjörð Stefánsson - [email protected] -
Kristín Guðrún Lúðvíksdóttir - [email protected] -

Auglýsing birt10. nóvember 2025

UmsóknarfresturEnginn

Tungumálahæfni