Laus störf Hæfnileit Vinnustaðir Námskeið

Austurbæjarskóli

Í Austurbæjarskóla er lögð áhersla á hugarfar vaxtar, víðsýni, vellíðan og vilja til að gera stöðugt betur. Markmið skólans er að auka þekkingu og leikni nemenda og gera þá að farsælum og sjálfstæðum einstaklingum. Einstaklingum sem hafa trú á eigin getu og takast óhræddir á við nýja hluti í viðleitni sinni við að finna hæfileikum sínum og hæfni farveg.

Vinnustaðurinn

Þroskaþjálfi

Frá og með 1. ágúst 2026 er laus er til umsóknar staða þroskaþjálfa í Austurbæjarskóla. Austurbæjarskóli er rótgróinn skóli í miðbæ Reykjavíkur. Í skólanum eru um 400 nemendur í 1.-10. bekk og um 70 starfsmenn.

Í Austurbæjarskóla er lögð áhersla á fjölbreytta kennsluhætti, leiðsagnarnám, samvinnu auk þess sem list- og verkgreinar skipa stóran sess í skólastarfinu. Lögð er áhersla á vinsamleg samskipti og vellíðan nemenda og starfsmanna. Í skólanum er öflugt foreldrafélag og er samvinna við foreldra og nærsamfélag gott.

Helstu verkefni og ábyrgð

Annast þjálfun/stuðning við nemendur í samráði við skólastjórnendur og samstarfskennara.
Vinna með félagsfærni og aðlaga námsefni og námsaðstæður.
Vinna að gerð sjónræns skipulags fyrir nemendur
Vinna að gerð einstaklingsnámskráa í samstarfi við kennara og deildarstjóra.
Vinna í teymi með öðrum kennurum.
Vinna að þróun skólastarfs með stjórnendum og samstarfsmönnum.
Stuðla að velferð nemenda í samstarfi við foreldra og annað fagfólk.
Vinna að því að skapa gott andrúmsloft í skólanum og tryggja öryggi og velferð nemenda og starfsfólks.

Menntunar- og hæfniskröfur

Háskólapróf á sviði þroskaþjálfunar og starfsleyfi sem slíkur
Þekking á skipulagðri kennslu (TEACCH)
Kunnátta, hæfni og reynsla af starfi með börnum með fjölbreyttar þarfir mikilvæg.
Lipurð í samskiptum og sveigjanleiki í starfi.
Faglegur metnaður og frumkvæði í starfi.
Áhugi á að starfa í skapandi og metnaðarfullu umhverfi.
Mjög góð íslenskukunnátta skilyrði.

Laun eru samkvæmt samningi Sambands íslenskra sveitarfélaga og KÍ.

Nánari upplýsingar um starfið veitir [email protected] eða í síma 411-7200.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Auglýsing birt8. apríl 2026

Umsóknarfrestur21. apríl 2026

Tungumálahæfni