Laus störf Hæfnileit Vinnustaðir Námskeið

Egilsstaðaskóli

Í Egilsstaðaskóla eru um 400 nemendur og um 100 starfsmenn. Grunngildi skólans eru gleði, virðing og metnaður. Áhersluþættir í faglegu starfi eru einstaklingsmiðað nám, teymiskennsla og þverfaglegt samstarf.

Vinnustaðurinn

Þroska- eða iðjuþjálfi óskast til starfa

Egilsstaðaskóli óskar eftir að ráða þroskaþjálfa eða iðjuþjálfa til starfa við stoðþjónustu skólans í 80-100% starf.

Einkunnarorð skólans eru gleði, virðing og metnaður. Lögð er áhersla á einstaklingsmiðað nám, teymisvinnu og þverfaglegt samstarf.

Starfið er tímabundið til árs og ráðið er í stöðuna frá og með 1. ágúst 2026.

Helstu verkefni og ábyrgð

Vinnur með nemendum og sér um þjálfun í samræmi við þarfir einstaklinga.
Veitir forráðamönnum og starfsmönnum ráðgjöf og leiðbeiningar sem lúta að einstaklingsbundnum úrræðum fyrir nemendur.
Sinnir þverfaglegu samstarfi innan og utan skólans.
Vinnur að því að efla iðju og þátttöku nemenda.

Menntunar- og hæfniskröfur

Hafa lokið námi í þroskaþjálfun eða iðjuþjálfun og hafa leyfisbréf í greininni.*
Reynsla af starfi í leik-og eða grunnskóla æskileg.
Lipurð í samskiptum, sveigjanleiki og samstarfshæfni.
Jákvæðni og áhugi á að starfa í metnaðarfullu umhverfi.
Ánægja af því að starfa með börnum.
Frumkvæði, samskiptahæfni og sjálfstæði í vinnu.
Skipulagshæfni.
Mjög góð íslenskukunnátta.

*Fáist ekki starfsmaður með tilhlýðilega menntun kemur til greina að ráða annan hæfann starfsmann sem vinnur þá undir handleiðslu og stjórn deildarstjóra stoðþjónustu.

Launakjör eru samkvæmt kjarasamningum sveitarfélagsins og viðkomandi stéttarfélags.

Öllum umsóknum skal fylgja yfirlit yfir nám og/eða fyrri störf og kynningarbréf. Einungis er tekið við rafrænum umsóknum í gegnum ráðningavef sveitarfélagsins hjá Alfreð.

Nánari upplýsingar veita Viðar Jónsson, skólastjóri, í síma 4700 607 eða á netfanginu [email protected] eða Dagbjört Kristinsdóttir aðstoðarskólastjóri í síma 4700 608 eða á netfanginu [email protected].

Þeir sem ráðnir eru til starfa á fjölskyldusviði Múlaþings þurfa að veita heimild til að leitað sé upplýsinga úr sakaskrá hjá Ríkissaksóknara.

Tekið er mið af jafnréttisáætlun Múlaþings við allar ráðningar hjá sveitafélaginu. Vinnustaðir Múlaþings eru reyklausir og fjölskylduvænir.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Auglýsing birt31. mars 2026

Umsóknarfrestur14. apríl 2026

Tungumálahæfni