Laus störf Hæfnileit Vinnustaðir Námskeið

Vinnumálastofnun

Hlutverk Vinnumálastofnunar Vinnumálastofnun heyrir undir félagsmálráðuneytið og fer m.a. með yfirstjórn vinnumiðlunar í landinu og daglega afgreiðslu Atvinnuleysistryggingasjóðs, Fæðingarorlofssjóðs, Ábyrgðarsjóðs launa auk fjölmargra annara vinnumarkaðstengdra verkefna.

Vinnustaðurinn

Þjónustusérfræðingur

Vinnumálastofnun óskar eftir að ráða einstakling til að sinna þjónustu við umsækjendur um alþjóðlega vernd í úrræði á vegum stofnunarinnar.

Starfið felur m.a. í sér þjónustuviðtöl, ráðgjöf og upplýsingagjöf til umsækjenda um alþjóðlega vernd og samskipti við hagsmunaaðila. Viðkomandi myndi einnig vera tengiliður við öryggisverði og sinna reglubundnu eftirliti á húsnæði og íbúaeiningum ásamt því að vera tengiliður við húsnæðisteymi stofnunarinnar.

Leitað er eftir einstaklingi sem á auðvelt með að tileinka sér gildi Vinnumálastofnunar; Fyrirmyndarþjónusta; Virðing; Áreiðanleiki.

Helstu verkefni og ábyrgð

Þjónustuviðtöl, ráðgjöf og upplýsingagjöf til umsækjenda um alþjóðlega vernd
Dagleg umsjón með húsnæði og íbúaeiningum
Samskipti við öryggisverði, húsnæðisteymi, þjónustuaðila og aðra hagsmunaaðila
Margvísleg skrifstofustörf og önnur tilfallandi verkefni

Menntunar- og hæfniskröfur

Færni í mannlegum samskiptum og þjónustulund
Reynsla af þjónustustörfum
Reynsla af umsjón með húsnæði er kostur
Menntun sem nýtist í starfi
Góð kunnátta í íslensku og ensku
Góð almenn tölvukunnátta
Sjálfstæði í vinnubrögðum
Góð færni í spænsku og arabísku er kostur
Reynsla að vinna með fólki af ólíkum menningaruppruna kostur

Laun eru samkvæmt gildandi kjarasamningi sem fjármála- og efnahagsráðherra og viðkomandi stéttarfélagi hafa gert.

Athygli er vakin á því að umsóknir geta gilt í 6 mánuði frá því að umsóknarfrestur rennur út.

Starfshlutfall er 100% og er æskilegt að viðkomandi geti hafið störf sem fyrst.

Nánari upplýsingar veita:

Arnór Heiðarsson forstöðumaður og Hallveig Ragnarsdóttir mannauðsstjóri í síma 5154800 eða með fyrirspurn á netföngin [email protected]; [email protected]

Auglýsing birt18. mars 2026

Umsóknarfrestur31. mars 2026

Tungumálahæfni