Sýslumaðurinn á höfuðborgarsvæðinu

Hjá sýslumönnum nálgast þú ýmsa þjónustu ríkisins, ýmist rafrænt eða með komu á eina af mörgum skrifstofum sýslumanna víða um land. Nýr kafli er hafinn í sögu sýslumannsembætta sem rekja má til tækniframfara í samfélaginu og eru embættin á fleygiferð í stafrænni vegferð og þróun þjónustu til viðskiptavina. Hjá embætti Sýslumannsins á höfuðborgarsvæðinu starfa um 100 manns og íbúar umdæmisins eru um 242.000. Sýslumaðurinn á höfuðborgarsvæðinu annast umsóknir um vegabréf og ökuskírteini, sinnir fjölskyldumálum, veitir leyfi til ættleiðinga, hefur eftirlit með skráningu heimagistinga, sinnir ýmsum opinberum skráningum svo sem þinglýsingum, auk fleiri verkefna.

Vinnustaðurinn

Þjónustufulltrúi í þjónustu- og þróun

Þjónustufulltrúi í þjónustu- og þróun á skrifstofu sýslumanns sinnir fjölbreyttum verkefnum á öllum málaflokkum deildarinnar. Verkefni varða lög sem gilda um málaflokkana, s.s. vegabréf, ökuskírteini og fleira. Þjónustufulltrúi ber ábyrgð á að þjónusta viðskiptavini, taka á móti, afgreiða og skrá beiðnir og gögn og leysa farsællega úr verkefnum. Þjónustufulltrúi skal vinna að faglegri afgreiðslu mála samkvæmt lögum og verkferlum.

Helstu verkefni og ábyrgð

Upplýsingagjöf, leiðbeiningar og samskipti við viðskiptavini
Móttaka viðskiptavina og bein þjónustuviðskipti
Afgreiðsla og afhending tilbúinna gagna (s.s. þinglýst skjöl, vegabréf, nafnskírteini, ökuskírteini, stæðiskort, vottorð og leyfi)
Flokkun og dreifing gagna sem berast embættinu
Móttaka og frágangur á umsóknum um ökuskírteini, vegabréf og nafnskírteini
Skjalafrágangur, skönnun og skjalavarsla
Sinnir öðrum verkefnum, þvert á embættið

Menntunar- og hæfniskröfur

Stúdentspróf skilyrði. Grunnháskólapróf er kostur.
Framúrskarandi þjónustulund og áhugi á góðri þjónustuupplifun viðskiptavina
Jákvæðni og lipurð í samskiptum
Frumkvæði og hæfni til að leiðbeina og miðla upplýsingum
Sveigjanleiki, álagsþol og aðlögunarhæfni
Hæfni til að vinna í teymi
Geta til að takast á við áskoranir með jákvæðu viðhorfi
Vilji til að þróa eigin færni í takt við þróun starfsins
Skipulagshæfileikar og sjálfstæði í starfi
Nákvæmni og traust vinnubrögð
Góð tölvukunnátta
Íslensku- og enskukunnátta í ræðu og riti

Umsókn skal skilað í gegnum umsóknarkerfi Alfred.is og þarf að fylgja CV og kynningarbréf þar sem gerð er grein fyrir ástæðu umsóknar og hæfni umsækjanda í starfið. Öllum umsóknum verður svarað þegar ákvörðun um ráðningu liggur fyrir. Umsóknir gilda í 6 mánuði frá því að umsóknarfrestur rennur út.

Nánari upplýsingar um starfið veitir Nanna Herborg Tómasdóttir, þjónustu- og þróunarstjóri.

Starfshlutfall er 100%. Vinnutími er frá kl. 08:00 – 15:30 alla virka daga nema föstudaga kl. 08:00 – 14:00.

Um launakjör fer eftir kjarasamningi fjármála- og efnahagsráðherra og hlutaðeigandi stéttarfélags.

Umsóknarfrestur er til og með 30. maí 2025

Auglýsing birt15. maí 2025

Umsóknarfrestur30. maí 2025

Tungumálahæfni