Laus störf Hæfnileit Vinnustaðir Námskeið

Náttúruverndarstofnun

Náttúruverndarstofnun tók til starfa þann 1. janúar 2025 og tekur stofnunin við starfsemi Vatnajökulsþjóðgarðs og þeim hluta Umhverfisstofnunar er lýtur að náttúruvernd og lífríkis- og veiðistjórnun. Stofnunin fer með stjórnsýslu, eftirlit og önnur verkefni á sviði náttúruverndar og sjálfbærrar þróunar og friðlýstra svæða, vernd villtra fugla og spendýra og veiðistjórnunar. Þá sinnir stofnunin samhæfingu í skipulagi svæðisbundinnar stjórnunar og verndar og eftirliti á ofangreindum sviðum.

Vinnustaðurinn

Þjónustufulltrúar - sumarstörf

Náttúruverndarstofnun leitar að jákvæðum, hjálpsömum og þjónustulunduðum einstaklingum með brennandi áhuga á náttúru og umhverfismálum til sumarstarfa í gestastofum og á tjaldsvæðum stofnunarinnar. Starf þjónustufulltrúa er fjölbreytt, þar sem áhersla er lögð á að veita framúrskarandi þjónustu, miðla upplýsingum, afgreiðslu, umhirðu, ræstingar og að stuðla að jákvæðri upplifun gesta.

Einstaklingar sem hafa áhuga á að taka þátt í þessu mikilvæga starfi eru hvattir til að sækja um og leggja sitt af mörkum til að bæta upplifun gesta og styðja við verndun náttúru Íslands.

Helstu verkefni og ábyrgð

Móttaka gesta, upplýsingagjöf og þjónusta í gestastofum.
Áfylling og framsetning vara í verslun og daglegt uppgjör tekna.
Símsvörun og svörun tölvupósta.
Ræsting, umhirða og viðhald á gönguleiðum, tjaldsvæðum, gestastofum og áningastöðum þar sem við á.
Umsjón með afgreiðslu, umhirðu og daglegri starfsemi.

Auglýst er eftir þjónustufulltrúum til starfa í Snæfellsjökulsþjóðgarði, Jökulsárgljúfrum/Ásbyrgi og Skaftafelli.

Menntunar- og hæfniskröfur

Framúrskarandi samskiptahæfni og sterk þjónustulund.
Jákvæðni, sveigjanleiki og lausnamiðuð hugsun við fjölbreyttar aðstæður.
Stundvísi, samviskusemi og sjálfstæð vinnubrögð.
Áhugi á náttúruvernd og umhverfismálum.
Geta til að tileinka sér þekkingu á starfssvæðinu.
Gott vald á íslensku og ensku, frekari tungumálakunnátta er kostur.
Gild ökuréttindi.
Vinnuvélaréttindi eru kostur.
Gild réttindi í fyrstu hjálp eru kostur en boðið verður upp á námskeið í fyrstu hjálp í vor.
Geta til að vinna undir álagi og í fjölbreyttu vinnuumhverfi.

Um Náttúruverndarstofnun

Náttúruverndarstofnun tók til starfa þann 1. janúar 2025 þegar starfsemi Vatnajökulsþjóðgarðs og sá hluti Umhverfisstofnunar sem sneri að náttúruvernd og lífríkis- og veiðistjórnun sameinuðust í nýja stofnun. Stofnunin hefur víðtækt hlutverk í náttúruvernd, sjálfbærri þróun og vernd friðlýstra svæða ásamt umsjón með villtum dýrum og veiðistjórnun. Markmið hennar er að tryggja að náttúra Íslands njóti verndar til framtíðar.

Auglýsing birt28. janúar 2026

Umsóknarfrestur16. febrúar 2026

Tungumálahæfni