Laus störf Hæfnileit Vinnustaðir Námskeið

Heilsugæsla Höfuðborgarsvæðisins

Við rekum fimmtán heilsugæslustöðvar í Reykjavík, Seltjarnarnesi, Mosfellsumdæmi, Kópavogi, Garðabæ og Hafnarfirði, þar sem við veitum samræmda þjónustu. Einnig sjáum við um sérþjónustustöðvarnar: Heimahjúkrun í Hafnarfirði, Garðabæ, Kópavogi og Mosfellsumdæmi, Geðheilsumiðstöð barna, Göngudeild sóttvarna, Geðheilsuteymi HH austur, Geðheilsuteymi HH vestur, Geðheilsuteymi HH suður, Geðheilsuteymi Taugaþroskaraskanna, Geðheilsuteymi fangelsa, Geðheilsuteymi ADHD fullorðinna, Samhæfingastöð krabbameinsskimanna, Upplýsingamiðstöð, Þróunarmiðstöð íslenskrar heilsugæslu auk stoðþjónustu á skrifstofu. Heilsuvera er samstarfsverkefni okkar og Embættis landlæknis. Þar er hægt að hafa samskipti við starfsfólk heilsugæslustöðvanna og fræðast um heilsu og áhrifaþætti hennar. Heilsugæsla höfuðborgarsvæðisins hefur á að skipa sérhæfðu og metnaðarfullu starfsfólki sem vinnur í hvetjandi og áhugaverðu starfsumhverfi þar sem frumkvæði og sjálfstæði þeirra fær að njóta sín. Starfsfólk heilsugæslunnar vinnur að því að veita íbúum höfuðborgarsvæðisins aðgengilega, samfellda og alhliða heilsugæsluþjónustu. Þjónustan byggir á sérþekkingu og víðtæku þverfaglegu samstarfi.

Vinnustaðurinn

Talmeinafræðingar - Heyrnar og talmeinastöð HH

Vilt þú taka þátt í að þróa nýtt verkefni talmeinafræðinga í skólaþjónustu?

Heilsugæsla höfuðborgarsvæðisins leitar að reyndum talmeinafræðingum til starfa í nýtt og spennandi starf hjá Heyrnar og talmeinastöð. Markmið verkefnisins er að þróa verklag sem miðar að því að veita talþjálfun í nærumhverfi barna. Starfað verður í þverfaglegum teymum í nokkrum grunnskólum á höfuðborgarsvæðinu. Um er að ræða tilraunaverkefni til tveggja ára.

Heyrnar og talmeinastöð HH er miðstöð þekkingar í heyrnar og talmeinum á Íslandi sem veitir þjónustu á landsvísu. Hlutverk HT er að þjóna þeim sem eru heyrnarskertir, heyrnarlausir eða með mál og talmein.

Um er að ræða 70-100% tímabundið starf til tveggja ára og í boði eru nokkrar stöður talmeinafræðinga. Ráðið er í starfið frá 1. september n.k. eða eftir nánara samkomulagi.

Til greina kemur að ráða áhugasaman reynsluminni talmeinafræðing sem starfar undir handleiðslu reynslumeiri talmeinafræðings.

Helstu verkefni og ábyrgð

Talmeinafræðingur sinnir meðferð tal- og málmeina innan þeirra grunnskóla sem verkefnið nær til í samvinnu við aðra fagaðila. Hann ber ábyrgð á að veita skjólstæðingum sínum bestu meðferð og þjónustu sem í boði er á hverjum tíma. Talmeinafræðingur mun stjórna og skipuleggja þjónustu og meðferð innan sinnar starfsstöðvar auk þess að meta árangur meðferðar. Hann er leiðandi í gagnreyndum aðferðum og ber ábyrgð á að innleiða nýjungar í meðferð og þjónustu á starfstöð.

Menntunar- og hæfniskröfur

Íslenskt starfsleyfi sem talmeinafræðingur
Æskilegt er að viðkomandi hafi lokið 6 mánaða verklegri þjálfun undir handleiðslu reynds talmeinafræðings en einnig er handleiðsla í boði
Sérþekking á málþroska barna/unglinga
Sérþekking á málþroskaröskun DLD æskileg
Reynsla og áhugi á talþjálfun og almennri meðferð talmeina
Góð þekking á máltöku barna með dæmigerðan málþroska, frávikum í málþroska og frávikum í málhljóðamyndun/framburði hljóða
Góð þekking á snemmtækri íhlutun m.t.t. barna með frávik í málþroska
Áhugi á þverfaglegri teymisvinnu
Mjög góð skipulagshæfni, færni í forgangsröðun og sveigjanleiki
Sjálfstæði, frumkvæði og hæfni til að vinna undir álagi
Mjög góð samskiptafærni og hæfni til samstarfs við ólíka fagaðila
Góð tölvukunnátta
Góð íslensku- og enskukunnátta í ræðu og riti
Hreint sakavottorð