Laus störf Hæfnileit Vinnustaðir Námskeið

Sensa ehf.

Sensa er alþjóðlegt þjónustufyrirtæki og starfar þar reynslumikill hópur sérfræðinga með hátt þekkingarstig. Við bjóðum upp á sveigjanlegt vinnuumhverfi þar sem reynt er að koma til móts við þarfir hvers og eins eftir bestu getu. Markmið Sensa er að vera ávallt í fararbroddi þar sem sterk liðsheild, hátt þekkingarstig og verðmæt viðskiptasambönd spila stórt hlutverk. Áhersla er lögð á að starfsfólk styrki sig í þekkingu og menntun með ýmsu móti og geti vaxið á eigin forsendum. Okkur er ekki sama eru einkunnarorð Sensa, okkur er ekki sama um viðskiptavininn eða starfsmenn okkar. Eigandi Sensa er SoftwareOne sem er alþjóðlegt upplýsingatæknifyrirtæki með höfuðstöðvar í Swiss.

Vinnustaðurinn

Tæknimaður í net- og öryggislausnum

Verkefnum okkar á sviði net- og öryggislausna fjölgar hratt og því leitum við að áhugasömum einstaklingi sem vill þróast í starfi og verða sérfræðingur á þessu sviði.

Starfið felur meðal annars í sér að þróa og reka netkerfi og öryggislausnir fyrir viðskiptavini okkar á Íslandi og erlendis. Verkefnin eru fjölbreytt og ná frá innri netum yfir í skýjaþjónustur, auk reksturs á eigin hýsingarneti Sensa.

Við leggjum áherslu á góð samskipti og öfluga teymisvinnu enda eru verkefnin unnin í nánu samstarfi við samstarfsfólk, viðskiptavini og aðra samstarfsaðila.

Reynsla af net- og öryggislausnum er kostur en ekki skilyrði. Mikilvægast að hafa brennandi áhuga á faginu, sýna frumkvæði og vilja til að læra og þróast.

Menntunar- og hæfniskröfur

Brennandi áhuga á netkerfum og öryggislausnum
Góða samskipta- og samstarfshæfni
Frumkvæði og metnað til að læra og þróast
Reynslu eða þekkingu á net- og öryggislausnum, sem er kostur
Prófgráður frá Cisco, Fortinet eða Palo Alto, sem er einnig kostur

Fríðindi í starfi

Samgöngustyrkur fyrir þá sem kjósa annan ferðamáta en einkabílinn
Heilsueflingarstyrkur
Hjólageymsla, líkamsræktar- og sturtuaðstaða
Fyrsta flokks mötuneyti
Sveigjanlegur vinnutími

Sensa er alþjóðlegt þjónustufyrirtæki sem sérhæfir sig í upplýsingatækni og stafrænni þróun á fyrirtækjamarkaði. Hjá okkur starfar um 120 sérhæft starfsfólk með mikla reynslu og hátt þekkingarstig. Við bjóðum upp á nútímalegt og sveigjanlegt vinnuumhverfi þar sem starfsfólk fær tækifæri til aukinnar menntunnar á sviði upplýsingatækni og svigrúm til að vaxa á eigin forsendum. Mikil áhersla er lögð á velferð starfsmanna, góðan starfsanda og hvetjandi og skemmtilegt starfsumhverfi.

Umsóknarfrestur er til og með 20. september nk. en byrjað verður að vinna úr umsóknum um leið og þær berast.

Gerð er krafa um að umsækjendur hafi hreint sakavottorð og við hvetjum öll til að sækja um.

Fyrirspurnum skal beint á netfangið [email protected]

Einungis er tekið á móti umsóknum í gegnum umsóknarkerfi Alfreðs.

Auglýsing birt4. september 2026

Umsóknarfrestur20. september 2026

Tungumálahæfni