Laus störf Hæfnileit Vinnustaðir Námskeið

Þorláksskóli

Þorláksskóli er nýr sérskóli fyrir einhverf börn sem hefst starfsemi haustið 2026 í Garðabæ. Skólinn er byggður á skýrri faglegri sýn þar sem virðing, skilningur og öryggi mynda grunn að námi og þroska. Starfið byggir á hugmyndafræði TEACCH og DIR/Floortime og taugaþroskavænni og áfallamiðaðri nálgun. Lögð er áhersla á fyrirsjáanlegt og stuðningsríkt umhverfi, einstaklingsmiðað nám og traust tengsl sem styðja þátttöku, vellíðan og sjálfstæði nemenda. Við leggjum ríka áherslu á faglegt starfsumhverfi, gott skipulag og stuðning við starfsfólk þannig að það geti sinnt starfi sínu af öryggi, fagmennsku og vellíðan. Samvinna, virðing og stöðug fagþróun eru lykilþættir í menningu skólans. Þorláksskóli er í uppbyggingu og býður starfsfólki einstakt tækifæri til að taka þátt í að móta nýtt skólastarf sem getur haft varanleg áhrif á líf barna og fjölskyldna þeirra.

Vinnustaðurinn

Stuðningsfulltrúi óskast í Þorláksskóla

Okkur vantar góða manneskju í hópinn.

Þorláksskóli er lítill, sérhæfður grunnskóli í Garðabæ fyrir einhverf börn. Við leitum að öflugum og traustum stuðningsfulltrúa sem hefur reynslu af starfi með fötluðum einstaklingum og vill taka virkan þátt í að skapa öruggan, fyrirsjáanlegan og góðan skóladag fyrir nemendur okkar.

Skólinn vinnur meðal annars eftir hugmyndafræði TEACCH og DIR/Floortime og byggir á taugaþroskavænni og áfallamiðaðri nálgun. Áhersla er lögð á öryggi, tengslamyndun, skýra umgjörð, skynúrvinnslu og einstaklingsmiðað nám.

Um er að ræða 100% dagvinnustarf og æskilegt er að viðkomandi geti hafið störf sem fyrst. Laun taka mið af menntun og reynslu.

Umsækjandi þarf að geta framvísað hreinu sakavottorði.

Umsókn skal fylgja ferilskrá og stutt kynningarbréf.

Nánari upplýsingar veitir Vigdís Gunnarsdóttir í netfanginu [email protected].

Heimasíða: www.thorlaksskoli.is

Helstu verkefni og ábyrgð

• Bein vinna með nemendum

• Þátttaka í kennslu og daglegu skipulagi skólastarfsins

• Stuðningur við samskipti, sjálfstæði og þátttöku nemenda

• Aðlögun verkefna og umhverfis að þörfum hvers barns

• Náið samstarf við annað starfsfólk skólans

• Þátttaka í áframhaldandi mótun og uppbyggingu skólastarfsins

Menntunar- og hæfniskröfur

• Reynsla af starfi með fötluðum einstaklingum, helst börnum

• Viðeigandi háskólamenntun eða nám á háskólastigi er mikill kostur, til dæmis í þroskaþjálfun, iðjuþjálfun, kennarafræði, uppeldis- eða félagsvísindum eða sálfræði

• Þekking á einhverfu, óhefðbundnum tjáskiptaleiðum, skynúrvinnslu eða skipulagðri kennslu er kostur

• Hlýlegt viðmót, yfirvegun og traust

• Frumkvæði, ábyrgð og góð samstarfshæfni

• Hæfni til að halda ró sinni þegar aðstæður verða krefjandi

• Virðing fyrir fjölbreytileika og styrkleikum einhverfra barna

Fríðindi í starfi

• Fjölbreytt og innihaldsríkt starf í litlum og persónulegum skóla

• Náið samstarf og stuðningur frá öflugu starfsfólki

• Regluleg fræðsla og fagleg handleiðsla

• Tækifæri til faglegs þroska

• Tækifæri til að hafa áhrif á mótun og uppbyggingu nýs sérhæfðs skóla

• Starfsumhverfi þar sem öryggi, virðing og vellíðan eru í fyrirrúmi