Laus störf Hæfnileit Vinnustaðir Námskeið

Garðabær

Garðabær leggur áherslu á að veita íbúum bæjarins framúrskarandi þjónustu og sækist eftir að ráða til starfa metnaðarfulla og færa einstaklinga sem eru jákvæðir, faglegir og áreiðanlegir. Starfsemi bæjarins býður upp á mörg skapandi, fjölbreytt og skemmtileg störf í lifandi umhverfi.

Vinnustaðurinn

Garðahraun auglýsir eftir stuðningsfulltrúum

Frístundaklúbburinn Garðahraun auglýsir eftir starfsfólki.

Opnunartími Garðahrauns er frá 13:00 – 16:30 alla virka daga.

Í boði eru hlutastörf og tímavinnustörf með vinnutíma eftir hádegi eftir samkomulagi. Þetta starf hentar vel sem aukavinna með námi eða öðru starfi.

Garðahraun er sértækt frístundarúrræði fyrir börn með fötlun í 5.-10.bekk í grunnskólum Garðabæjar og staðsett við Álftanesskóla. Markmið frístundarinnar er að veita börnum sem þar dvelja öruggt athvarf og bjóða þeim upp á skipulagðar tómstundir við hæfi hvers og eins. Lögð er áhersla á virðingu fyrir einstaklingnum, fagleg vinnubrögð, jákvæð samskipti og foreldrasamstarf.

Helstu verkefni og ábyrgð

Að styðja nemendur með sérþarfir
Að stuðla að jákvæðu umhverfi barna og vera öðrum fyrirmynd
Að efla velferð og félagslegan þroska barnanna
Að fylgja eftir áætlunum og verklagsreglum
Samráð og samvinna við börn, foreldra, samstarfsfólk og aðra sem koma að frístundarstarfi

Menntunar- og hæfniskröfur

Góðir samstarfs- og samskiptahæfileikar
Jákvæðni og ábyrgðarkennd
Frumkvæði og lausnamiðað viðhorf
Áhugi á málefnum fatlaðs fólks
Íslenskukunnátta á stigi B2 samkvæmt evrópska tungumálarammanum

Fríðindi í starfi

Heilsuræktarstyrkur að upphæð 20.000 kr. eftir 6 mánuði í starfi
Bókasafnskort eftir 3 mánuði í starfi
Menningarkort eftir 3 mánuði í starfi
Sundlaugarkort eftir 3 mánuði í starfi
Starfsfólk í skólum Garðabæjar hefur möguleika á að sækja um styrki í Þróunarsjóði leik- og grunnskóla Garðabæjar og er þeim ætlað að stuðla að nýbreytni og framþróun í starfi.
Árshátíð er starfsmönnum að kostnaðarlausu
Íslenskunámskeið fyrir erlenda starfsmenn

Umsóknarfrestur er til og með 9. september 2026.

Nánari upplýsingar um starfið veitir Ágúst Arnar Þráinsson, forstöðumaður Garðahrauns, netfang: [email protected] og sími: 820-8594 og 525-8594.

Launakjör eru samkvæmt kjarasamningi Sambands íslenskra sveitarfélaga við Starfsmannafélag Garðabæjar.

Áhugasamir einstaklingar, án tilliti til kyns, eru hvattir til að sækja um.

Auglýsing birt27. ágúst 2026

Umsóknarfrestur9. september 2026

Tungumálahæfni