Starfsmann vantar í NPA þjónustu aðra hvora helgi

Um er að ræða hlutastarf, unnið á tólf tíma vöktum aðra hvora helgi. Til skiptis er starfað þannig að aðra helgina er unnið frá 23:30 á föstudags kvöldi til 11:30 á laugardegi og aftur 23:30 á laugardegi til 11:30 á sunnudegi og hina helgina frá 11:30 á laugardegi til 23:30 og á sunnudegi frá 11:30 til 23:30. Starfsmaður þarf að geta hafið störf sem fyrst. Starfið byggir á hugmyndafræði um sjálfstætt líf fatlaðra einstaklinga þar sem áhersla er lögð á virðingu, samvinnu og eflandi samskipti.Laun eru samkv. samningi NPA miðstöðvarinnar við Eflingu.

Ég heiti Magnús Jóel og er 36 áta námsmaður, hreyfihamlaður og fer allra minna starfa í rafmagnshjólastól. Ég þarf aðstoð við allar líkamlegar athafnir og athafnir daglegs lífs. Ég hef fjölbreytt áhugamál og hef gaman af að umgangast fólk. Ég á eigin bíl og það er því skilyrði að starfsmaður hafi bilpróf.