Víkingaheimar í Reykjanesbæ eru heimili Íslendings - víkingaskipsins sem var handsmíðað hér á landi og siglt yfir Atlantshafið til New York árið 2000. Hjá okkur snýst allt um eina sögu: Ísland fann Ameríku 500 árum á undan Kólumbusi - og sönnunin stendur á miðju gólfi. Við tökum á móti gestum alls staðar að úr heiminum; hópum, skólum og ráðstefnum, og erum um þessar mundir að breyta safninu úr hefðbundnum sýningarsal í lifandi upplifun sem gestir ganga inn í og verða hluti af. Við erum lítið og kraftmikið teymi sem nýtir nútímatækni og sjálfvirkni til að halda rekstrinum léttum og einbeita okkur að því sem raunverulega skiptir máli: upplifun gestsins. Hjá okkur er stutt í ákvarðanir, verkefnin fjölbreytt og enginn dagur eins.