Starfsfólk í verslun, hlutastarf

Við hjá Sassy leggjum okkur fram við að veita persónulega og framúrskarandi þjónustu og leitum nú að jákvæðum og þjónustuliprum einstaklingi í hlutastarf. Við leggjum ríka áherslu á góð mannleg samskipti, vönduð vinnubrögð og hlýlega upplifun fyrir hvern og einn viðskiptavin.

Um starfið

Starfið felur meðal annars í sér að taka á móti viðskiptavinum í verslun, veita framúrskarandi þjónustu og ráðgjöf, taka saman netpantanir, taka á móti og ganga frá vörusendingum ásamt því að sinna almennum verkefnum í verslun. Einnig getur komið til greina að taka þátt í fjölbreyttum verkefnum tengdum Sassy, bæði í verslun og utan hennar, svo sem vinnuferðum út á land, mörkuðum, pop-up viðburðum og öðru skemmtilegu.

Við veitum að sjálfsögðu alla nauðsynlega þjálfun og fræðslu.

Við leitum að starfsfólki sem getur unnið síðdegis á virkum dögum og 2–4 laugardaga í mánuði frá kl. 11:00–15:00. Æskilegt er að viðkomandi geti hafið störf sem fyrst.

Vinnutími:

• 2–3 síðdegi á virkum dögum í viku
• 2–4 laugardagar í mánuði, kl. 11:00–15:00

Æskilegt er að umsækjandi sé 23 ára eða eldri.

Við hvetjum áhugasama til að senda inn umsókn sem fyrst, þar sem unnið verður úr umsóknum jafnóðum og þær berast. Farið er með allar umsóknir sem trúnaðarmál og öllum umsóknum verður svarað.