Aðstoðarverslunarstjóri - Múrbúðin Reykjanesi

Múrbúðin leitar að metnaðarfullum og þjónustulunduðum aðstoðarverslunarstjóra í Múrbúðina Reykjanesbæ.

Við leitum að jákvæðum einstaklingi sem hefur frumkvæði, á auðvelt með samskipti og hefur gaman af fjölbreyttum verkefnum. Um er að ræða lykilhlutverk í litlu og öflugu teymi þar sem allir leggjast á eitt og enginn dagur er eins.

Sem aðstoðarverslunarstjóri verður þú staðgengill verslunarstjóra og tekur þátt í daglegum rekstri verslunarinnar, þjónustu við viðskiptavini og fjölbreyttum rekstrarverkefnum.

Helstu verkefni og ábyrgð:

• Daglegur rekstur verslunarinnar í samstarfi við verslunarstjóra.
• Staðganga fyrir verslunarstjóra eftir þörfum.
• Þjónusta og ráðgjöf til viðskiptavina.
• Pantanir á vörum og eftirfylgni með birgðum.
• Uppgjör og önnur rekstrartengd verkefni.
• Móttaka og framsetning vara.
• Almenn verkefni sem til falla í verslun.

Við leitum að aðila sem:

• Hefur frumkvæði og tekur ábyrgð.
• Býr yfir framúrskarandi þjónustulund og á auðvelt með samskipti.
• Er jákvæður og tilbúinn að taka þátt í fjölbreyttum verkefnum.
• Vinnur vel í teymi en getur einnig unnið sjálfstætt.
• Hefur góða almenna tölvukunnáttu.
• Hefur áhuga á verslun og rekstri.
• Þekking á byggingarvörum eða reynsla úr byggingariðnaði er kostur en ekki skilyrði.

Múrbúðin hefur frá árinu 2002 boðið viðskiptavinum um allt land gæðavörur til bygginga og viðhalds á góðu verði. Við leggjum metnað í persónulega þjónustu, öflugt vöruúrval og einföld gildi sem hafa fylgt okkur frá upphafi – gott verð fyrir alla, alltaf.

Umsóknarfrestur er til og með 4. ágúst 2026.

Sótt er um starfið á www.vinnvinn.is.

Umsókn um starfið skal fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Umsjón með starfinu hafa Jensína K. Böðvarsdóttir ([email protected]) og Bjarki Pétursson ([email protected]) hjá Vinnvinn.