Sveitarfélagið Árborg

Sveitarfélagið Árborg er fjölmennasta sveitarfélagið á Suðurlandi. Það varð til við sameiningu Eyrarbakkahrepps, Sandvíkurhrepps, Selfossbæjar og Stokkseyrarhrepps. Sveitarfélagið hefur vaxið ört síðastliðin ár og telur nú tæplega 12.000 íbúa. Þar er miðstöð þjónustu á Suðurlandi, góðir skólar ásamt öflugu íþrótta-, félags- og menningarlífi. Starfsmenn sveitarfélagsins eru um 1000 og lögð er áhersla á að skapa starfsumhverfi sem stuðlar að vellíðan og árangri, þar sem starfað er af fagmennsku og góðum ásetningi með hag sveitarfélagsins að leiðarljósi.

Vinnustaðurinn

Starfsfólk í nýja skammtímadvöl fyrir fatlaða einstaklinga

Sveitarfélagið Árborg auglýsir eftir starfsfólki í hlutastörf í nýrri þjónustueiningu í skammtímadvöl fyrir fatlað fólk. Starfshlutföll eru mismunandi en unnið er á morgun, kvöld og helgarvöktum.

Helstu markmið með starfinu er að leitast við að auka lífsgæði og sjálfstæði þjónustunotenda og stuðla að valdeflingu þeirra. Áhersla er lögð á að veita þjónustunotendum persónulegan stuðning í daglegu lífi sem sniðin er að þörfum þeirra og skapa þeim skilyrði til sjálfstæðs lífs á eigin forsendum, sbr. 19.gr. samnings sameinuðu þjóðanna um réttindi fatlaðs fólks. Ásamt því að stuðla að þátttöku þeirra í samfélaginu með tilliti til mismunandi þarfa og getu.

Unnið er eftir hugmyndafræðinni um þjónandi leiðsögn og er starfið skipulagt samkvæmt lögum nr. 38/2018 um málefni fatlaðs fólks með langvarandi stuðningsþarfir og lögum um félagsþjónustu sveitarfélaga nr.1037/2018 auk tengdra reglugerða.

Um er að ræða stöður í vaktavinnu í skammtímadvöl fyrir fullorðna.

Í Sveitarfélaginu Árborg búa rúmlega 12.000 íbúar og starfa um 1100 manns hjá sveitarfélaginu. Lögð er áhersla á að skapa starfsumhverfi sem stuðlar að vellíðan og árangri þar sem starfað er af fagmennsku og góðum ásetningi með hag sveitarfélagsins að leiðarljósi.

Helstu verkefni og ábyrgð

· Að taka þátt í faglegu starfi með þjónustunotendum

· Að tileinka sér og vinna eftir hugmyndafræði málefnum fatlaðra

· Að taka þátt í mótun og að veita einstaklingsmiðaða persónulega þjónustu

· Að efla og styðja þjónustunotendur við allar athafnir daglegs lífs og félagslega þátttöku

· Að taka þátt í að efla frumkvæði, færni og sjálfstæði þjónustunotenda

Menntunar- og hæfniskröfur

· Góð íslenskukunnátta er skilyrði

· Félagsliðamenntun eða önnur menntun sem nýtist í starfi

· Reynsla af störfum með fötluðum æskileg

· Sveigjanleiki, frumkvæði, sjálfstæði og skipulagshæfni í starfi

· Hæfni í mannlegum samskiptum

· Þjónustulund, góð framkoma og jákvætt viðmót

· Hreint sakavottorð í samræmi við lög og reglur

Umsóknarfrestur er til og með 27. október 2025.

Umsóknum fylgi yfirlit yfir nám og fyrri störf ásamt greinargóðum rökstuðningi fyrir hæfni í starfið. Umsóknum er skilað á Alfred.is Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað þegar ákvörðun um ráðningu liggur fyrir. Allar umsóknir eru gildar í 6. mánuði.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags. Vakin er athygli á stefnu Sveitarfélagsins Árborgar að jafna hlut kynjanna í störfum hjá sveitarfélaginu og að vinnustaðir endurspegli fjölbreytileika samfélagsins.

Nánari upplýsingar veitir Sigþrúður Birta Jónsdóttir, deildarstjóri velferðarþjónustu, netfang [email protected], sími 480-1900 og Jóhanna Frímannsdóttir, forstöðumaður, [email protected], sími 480-6922.

Auglýsing birt14. október 2025

Umsóknarfrestur27. október 2025

Tungumálahæfni