Sölu- og markaðsfulltrúi

Fjölbreytt starf í sölu og markaðsmálum með skýra ábyrgð frá fyrsta degi. Þú heldur utan um eigin sölutækifæri og lokar samningum, til að byrja með í smærri viðskiptum. Þú byggir upp og sinnir markvissri sókn til nýrra viðskiptavina og skipuleggur og framkvæmir viðburðina sem skapa bestu sölutækifærin okkar.

Ísland er okkar þróaðasti markaður, með sterkt vörumerki, virk sölutækifæri og virkan viðskiptavinahóp. Hér er því auðveldara að opna dyr en á flestum öðrum mörkuðum. Starfið hentar þeim sem vilja fjölbreytt verkefni og vítt verksvið, hafa áhuga á að læra og vaxa og geta unnið sjálfstætt.

VERKEFNIN ÞÍN

Sala

• Ábyrgð á eigin sölutækifærum frá upphafi til enda: þarfagreiningu, vörukynningu, tilboðsgerð og lokun samninga.
• Styðja við söluferli stærri fyrirtækja og svör við útboðum og tilboðsbeiðnum.
• Byggja upp og sinna markvissri sókn til nýrra viðskiptavina: velja fyrirtæki til að nálgast, hefja samtöl og fylgja þeim skipulega eftir.
• Meta fyrirspurnir sem berast, taka áfram þau tækifæri sem falla að þínu verksviði og vísa öðrum til samstarfsfólks.
• Koma auga á og vinna áfram tækifæri til viðbótarsölu hjá núverandi viðskiptavinum á Íslandi. Aukin viðskipti við þennan hóp eru stór hluti af vexti okkar hér.
• Tryggja að sölukerfið endurspegli raunverulega stöðu, enda byggja næstu skref á þeim upplýsingum.

Skapa eftirspurn

• Skipuleggja og framkvæma viðburði: sjá um alla umgjörð, boð og eftirfylgni við þátttakendur og taka virkan þátt á viðburðardeginum.
• Skrifa markaðstexta og koma með eigin hugmyndir að herferðum.
• Taka að þér það sem þarf að gera. Lítil teymi þurfa fólk sem sér verkefnin og kemur þeim í framkvæmd.

NÁNAR UM STARFIÐ

Þú ert hluti af litlu teymi á Íslandi þar sem sala og markaðsstarf haldast í hendur. Þú þarft að ná valdi á vörunni okkar hratt og nota hana á sölufundum. Áherslan þín er á Ísland, en þú munt líka koma að sölu erlendis eftir því sem við sækjum inn á nýja markaði. Verksviðið er vísvitandi breitt og verður það áfram fyrst um sinn. Starfið hentar þeim sem vilja kynnast öllu sölu- og markaðsstarfinu hratt og taka þátt í ólíkum verkefnum.

HVAÐ ÞÚ KEMUR MEÐ Í STARFIÐ

• Þú hefur einhverja reynslu af sölu til fyrirtækja og mikinn áhuga á að bæta við hana.
• Þú hefur íslensku að móðurmáli og talar og skrifar ensku reiprennandi.
• Þú beitir ráðgefandi sölu, hefur einlægan áhuga á því hvernig viðskiptavinir sinna mannauðsmálum og kafar í málin til að skilja þau til hlítar.
• Þú hefur áhuga á að læra vel á vöruna, sýna hana sjálf/ur og aðstoða viðskiptavini við að finna lausnir
• Þú skrifar vel og getur breytt hugmynd í texta sem fólk vill lesa.
• Þú hefur áhuga á gervigreind og gott vald á tækni. Þú notar gervigreind daglega til að auka afköst og munt gera það hér líka.
• Þú vinnur skipulega og tryggir að verkefnum og tækifærum sé fylgt eftir.
• Þú vilt bera ábyrgð á árangri og ert tilbúin/n að vera metin/n út frá þeim samningum sem þú lokar.

KOSTIR (EN EKKI NAUÐSYN):

• Reynsla af sölu hugbúnaðar í áskrift.
• Reynsla af mannauðstækni.
• Reynsla af skipulagningu og framkvæmd viðburða.
• Reynsla af notkun sölukerfis.

ÁHERSLUR OG MARKMIÐ FYRSTA ÁRIÐ

Eftir fyrstu þrjá mánuðina

• Þú hefur lokað fyrstu samningunum.
• Markviss sókn til nýrra viðskiptavina er komin af stað.
• Þú hefur skipulagt og framkvæmt einn viðburð frá upphafi til enda.

Eftir fyrstu tólf mánuðina

• Þú heldur utan um safn smærri viðskiptatækifæra og sinnir söluferlinu frá upphafi til enda.
• Þú hefur komið upp vinnulagi sem skilar nýjum sölutækifærum með markvissri sókn.
• Þú átt mælanlegan hlut í söluárangri 50skills á Íslandi.