Laus störf Hæfnileit Vinnustaðir Námskeið

Samkaup

Samkaup er framsækið verslunarfyrirtæki sem er leiðandi í viðskiptaháttum, vörugæðum og þjónustu. Samkaup hf reka yfir 60 verslanir víðsvegar um landið og er eitt af stærstu verslunarfyrirtækjum á Íslandi. Þær spanna allt frá lágvöruverðsverslunum til þægindaverslana. Helstu verslanamerki Samkaupa eru Nettó, Kjörbúðin, Krambúðin og Iceland. Samkaup leggur áherslu á að vera eftirsóttur vinnustaður, með öfluga framlínu þar sem gildi fyrirtækisins, Kaupmennska, Áræðni, Sveigjanleiki og Samvinna eru leiðarljós í öllu starfi. Samkaup er rekstrarfélag á neytendavörumarkaði með virkt hlutverk í samfélaginu. Hlutverk Samkaupa er að tryggja neytendum vörugæði, góða þjónustu og fjölbreytt vöruval á eins hagstæðu verði og völ er á og með samfélagslega ábyrgð að leiðarljósi. Samkaup skal vera þekkt fyrir að fara alla leið í þágu vörugæða og þjónustu ásamt því að vera í fararbroddi í nýsköpun sem skapar tækifæri fyrir viðskiptavini, samfélag og starfsfólk.

Vinnustaðurinn

Sérfræðingur í vörukaupaskráningu

Nýtt og spennandi tækifæri á fjármálasviði Samkaupa.

Samkaup er eitt stærsta verslunarfyrirtæki landsins og rekur fjölda verslana undir þekktum vörumerkjum um allt land. Við erum nú að byggja upp nýtt teymi vörukaupaskráningar innanhúss og leitum að reynslumiklum og drífandi sérfræðingi til að taka þátt í þeirri uppbyggingu frá fyrsta degi.

Teymið tilheyrir fjármálasviði og ber ábyrgð á bókun allra vörukaupareikninga félagsins. Þetta er kjörið tækifærið fyrir þann sem hefur sterka reynslu af vörukaupum og bókhaldi, hefur metnað til að móta verkferla og vill hafa raunveruleg áhrif í lifandi og hröðu starfsumhverfi.

Helstu verkefni og ábyrgð

Bókun vörukaupareikninga og eftirlit með réttmæti þeirra
Eftirlit með kostnaðarverðum og frávikum
Samskipti við birgja
Yfirsýn yfir birgðastöðu
Afstemmingar lánardrottna
Þátttaka í umbótum og mótun verkferla við innleiðingu verkefnisins innanhúss

Menntunar- og hæfniskröfur

Marktæk reynsla af vörukaupaskráningu og bókhaldi eða sambærilegum störfum skilyrði
Háskólagráða eða sambærileg menntun sem nýtist í starfi
Reynsla af vinnu í Business Central er kostur
Sjálfstæði, frumkvæði og góð skipulagshæfni
Fagmennska, nákvæmni og öguð vinnubrögð
Rík þjónustuund og lipurð í mannlegum samskiptum
Góð tölvukunnátta
Góð íslenskukunnátta í ræðu og riti

Fríðindi í starfi

Afsláttarkjör í verslunum
Velferðarþjónusta
Heilsustyrkur

Við bjóðum

Tækifæri til að móta nýtt teymi og verkferla frá grunni
Krefjandi og fjölbreytt verkefni í öflugu fjármálateymi
Góðan og samheldinn vinnustaðaanda
Sveigjanlegt og lifandi starfsumhverfi þar sem frumkvæði er metið að verðleikum

Frekari upplýsingar um starfið veitir Heiður Björk Friðbjörnsdóttir, framkvæmdastjóri fjármálasviðs - [email protected]

Samkaup hefur hlotið titilinn Menntafyrirtæki atvinnulífsins 2022 og einnig jafnlaunavottun Jafnréttisstofu.

Samkaup rekur 62 verslanir víðsvegar um landið. Þær spanna allt frá lágvöruverðsverslunum til þægindaverslana. Helstu verslunarmerki Samkaupa eru: Nettó, Kjörbúðin, Prís, SPAR, Krambúðin og 10-11. Hjá félaginu starfa um 1400 starfsmenn í um 650 stöðugildum.

Samkaup státar af öflugri jafnréttisstefnu sem nær ekki einungis til jafnréttis kynjanna heldur beinist einnig að hinsegin starfsfólki, erlendu starfsfólki og starfsfólki með skerta starfsgetu. Jafnréttisstefnan kallast Jafnrétti fyrir alla – Samkaup alla leið! og er stefna sem er unnið markvisst eftir á öllum starfsstöðvum Samkaupa.

Auglýsing birt10. júní 2026

Umsóknarfrestur30. júní 2026

Tungumálahæfni