Laus störf Hæfnileit Vinnustaðir Námskeið

Orka náttúrunnar

Orka náttúrunnar framleiðir rafmagn og heitt vatn í jarðhitavirkjunum á Hellisheiði og Nesjavöllum ásamt framleiðslu rafmagns með vatnsafli í Andakílsárvirkjun. ON er stærsta jarðvarmafyrirtæki landsins og selur rafmagn til fyrirtækja og heimila um allt land en framleiðir heitt vatn til sölu og dreifingar hjá systurfélagi þess, Veitum. ON er dótturfélag Orkuveitunnar sem er í eigu Reykjavíkurborgar, Akraneskaupstaðar og Borgarbyggðar. ON framleiðir ekki bara umhverfisvæna orku fyrir heimili, fyrirtæki og farartæki heldur leggur fyrirtækið einnig ríka áherslu á rannsóknir, nýsköpun og sjálfbærni með það fyrir augum að tryggja komandi kynslóðum betri lífsgæði.

Vinnustaðurinn

Sérfræðingur í viðskiptagreind, gervigreind og hagnýtingu gagna

Við leitum að einstakling í sérfræðihlutverk á sviði viðskiptagreindar, gervigreindar og hagnýtingu gagna.

Vilt þú vinna með gervigreind og gögn í umhverfi þar sem greining, framsetning og nýsköpun skipta raunverulegu máli fyrir ákvarðanatöku og rekstur?

Orka náttúrunnar leitar að öflugum sérfræðingi í viðskiptagreind, gervigreind og hagnýtingu gagna til starfa hjá deild stafrænnar þróunar.

Starfið býður upp á spennandi tækifæri til að þróa gagnalausnir, módel og AI‑lausnir sem styðja við stefnu, rekstur og framtíðarsýn ON.

Hjá okkur færðu raunveruleg tækifæri til að hafa áhrif á hvernig gögn og gervigreind eru nýtt í stórum rekstri.

Þú munt verða hluti af sterku og metnaðarfullu teymi Stafrænnar þróunar og njóta þín í starfsumhverfi sem einkennist af trausti, sveigjanleika, fagmennsku og stöðugri þróun.

Helstu verkefni og ábyrgð

Í hlutverkinu felst þróun og viðhald lausna á sviði viðskiptagreindar, gervigreindar og gagnagreininga, s.s. mælaborð, skýrslur og líkön.

Þú munt jafnframt útfæra gagnagreiningar, smíða og hanna mælaborð og gagnalíkön ásamt því að þróa lausnir í gagnavinnsluumhverfum, s.s. Databricks og Power BI.

Á meðal annarra helstu verkefna eru:

Nýting gervigreindar til að greina mynstur, bæta skilning á rekstri og þróa nýjar stafrænar lausnir
Stuðla að stöðugum umbótum, nýsköpun og tækniframförum á sviði gagna, viðskipta- og gervigreindar
Stuðningur og ráðgjöf til hagaðila um hagnýtingu gagna, greiningar og gervigreindarlausnir

Menntunar- og hæfniskröfur

Reynsla af gagnagreiningu og viðskiptagreind
Reynsla eða sterkur áhugi á gervigreind, vélrænu námi og/eða líkanagerð
Þekking á Power BI er kostur
Þekking á Python og SQL
Kostur ef reynsla eða þekking er af Databricks eða sambærilegu
Góð greiningarhæfni, skipulag og geta til að miðla flóknum upplýsingum á skýran og aðgengilegan hátt
Góð samskiptahæfni og þjónustulund
Háskólamenntun sem nýtist í starfi, s.s. í verkfræði, tölvunarfræði, gagnavísindum eða sambærilegu

Umsókn um starfið skal fylgja ferilskrá og kynningabréf þar sem umsækjendur gera grein fyrir hæfni sinni í starfið með vísan í hæfniskröfur.

Starfið býður upp á krefjandi og spennandi tækifæri í framsæknu og samfélagslega mikilvægu fyrirtæki.

Við tökum jafnréttið alvarlega!

Við viljum hafa sem fjölbreyttastan hóp starfsfólks og hvetjum því öll kyn til að sækja um starfið.

Umsóknarfrestur er til og með 1. júní 2026.

Nánari upplýsingar veitir Herdís Skúladóttir, deildarstjóri Stafrænnar þróunar, [email protected].

Farið er með allar umsóknir sem trúnaðarmál.

Um Orku náttúrunnar

Orka náttúrunnar framleiðir rafmagn og heitt vatn í jarðhitavirkjunum á Hellisheiði og Nesjavöllum ásamt framleiðslu rafmagns með vatnsafli í Andakílsárvirkjun.

ON er stærsta jarðvarmafyrirtæki landsins og selur rafmagn til fyrirtækja og heimila um allt land en framleiðir heitt vatn til sölu og dreifingar hjá systurfélagi þess, Veitum.

ON er dótturfélag Orkuveitunnar sem er í eigu Reykjavíkurborgar, Akraneskaupstaðar og Borgarbyggðar.

ON framleiðir ekki bara umhverfisvæna orku fyrir heimili, fyrirtæki og farartæki heldur leggur fyrirtækið einnig ríka áherslu á rannsóknir, nýsköpun og sjálfbærni með það fyrir augum að tryggja komandi kynslóðum betri lífsgæði.

Hvernig vinnustaður er Orkuveitan?

Auglýsing birt21. maí 2026

Umsóknarfrestur1. júní 2026

Tungumálahæfni

Engar sérstakar tungumálakröfur

Staðsetning

Bæjarháls 1, 110 Reykjavík

Starfstegund

Hæfni