Laus störf Hæfnileit Vinnustaðir Námskeið

Dómsmálaráðuneytið

Dómsmálaráðherra er Þorbjörg Sigríður Gunnlaugsdóttir og fer með yfirstjórn ráðuneytisins ásamt því að bera ábyrgð á öllum stjórnarframkvæmdum þess. Allar embættisfærslur starfsfólks eru gerðar í umboði ráðherra. Hjá ráðuneytinu starfa um 70 manns og eru flestir með lögfræðimenntun. Undir starfsemi ráðuneytisins heyra um 47 stofnanir sem ná til þriggja málefnasviða samkvæmt lögum um opinber fjármál og snerta fjölmörg svið þjóðfélagsins. Meðal þeirra stofnana sem heyra undir ráðuneytið eru lögregluembætti, sýslumenn, Fangelsismálastofnun, Persónuvernd og fleiri. Skipurit ráðuneytisins skiptist niður á sjö skrifstofur sem eru skrifstofa yfirstjórnar, skrifstofa alþjóðmála, skrifstofa réttinda einstaklinga, skrifstofa jafnréttismála, skrifstofa löggjafarmála, skrifstofa löggæslumála og skrifstofu fjármála sem starfar þvert á allar einingar.

Vinnustaðurinn

Sérfræðingur í styrktarsjóðum

Dómsmálaráðuneytið leitar að sérfræðingi til að starfa í verkefnastýringu og umsýslu sjóða tengdum Schengen - samstarfinu á skrifstofu fjármála. Skrifstofan fer með málefni er varða fjármálaáætlun, rekstur og fjármál ráðuneytisins, húsnæðismál, stafræn verkefni og málefni landamærasjóðs.

Helstu verkefni og ábyrgð

Í starfinu felst stefnumótun, verkefnastjórnun, uppgjör á verkefnum og undirbúningur ákvarðana er varða málefni styrktarsjóðs Evrópusambandsins um stjórnun landamæra og útgáfu áritana (Border Management and Visa Instrument). Jafnframt felur starfið í sér samskipti, upplýsingagjöf og eftirfylgni varðandi umsóknir ásamt yfirferð á tölulegum gögnum og framvinduskýrslum. Sérfræðingur ber að auki ábyrgð á vefsíðu sjóðins, birtingu og uppfærslu efnis.

Menntunar- og hæfniskröfur

Háskólamenntun sem nýtist í starfi.
Reynsla og þekking af verkefnastjórnun og stefnumótun er kostur.
Reynsla og þekking af yfirferð og úrvinnslu styrkumsókna er kostur.
Reynsla og þekking af greiningu fjárhagslegra gagna er kostur.
Góð samskiptahæfni, jákvæðni og metnaður til að ná árangri í starfi.
Frumkvæði, drifkraftur og lausnamiðuð hugsun.
Mjög gott vald á íslensku og ensku og færni til að tjá sig í ræðu og riti.

Umsókn skal fylgja starfsferilskrá og kynningarbréf þar sem gerð er grein fyrir hæfni viðkomandi til að sinna starfinu. Öllum umsóknum verður svarað þegar ákvörðun um ráðningu liggur fyrir. Umsóknir skulu sendar gegnum starfatorg og umsóknarfrestur er til 29. júní.

Um fullt starf er að ræða og greiðast laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert. Umsóknir gilda í 6 mánuði frá því að umsóknarfrestur rennur út, sbr. 2. gr. reglna um auglýsingar á lausum störfum nr. 1000/2019.

Nánari upplýsingar veitir Brynhildur Þorgeirsdóttir, skrifstofustjóri skrifstofu fjármála ([email protected]) og Unnur Helgadóttir, mannauðsstjóri ([email protected]).

Auglýsing birt25. júní 2026

Umsóknarfrestur29. júní 2026

Tungumálahæfni