Barna- og fjölskyldustofa

Barna- og fjölskyldustofa er leiðandi í þjónustu í þágu farsældar barna. Hjá stofnuninni starfa um 150 manns í fjölbreyttum störfum á starfsstöðvum á höfuðborgarsvæðinu, á Hellu og í Eyjafjarðarsveit. Stofnunin heyrir undir Barna- og menntamálaráðuneytið. Meginverkefni Barna- og fjölskyldustofu er að veita fræðslu, ráðgjöf og handleiðslu á sviði barnaverndar og samþættingar þjónustu í þágu farsældar barna. Stofnunin leggur mat á væntanlega fósturforeldra, heldur fósturforeldranámskeið ásamt því að veita fósturforeldrum ráðgjöf og stuðning. Veitir börnum, innan barnaverndar, þjónustu sem lýtur að sérhæfðum meðferðarúrræðum (Stuðlar, Lækjarbakki og Bjargey), fjölkerfameðferð MST og starfsemi Barnahúss. Auk þess leggur stofan áherslu á fræðilegar rannsóknir og stuðning við þróunar- og rannsóknarstarf ásamt uppsetningu og innleiðingu á samræmdum gagnagrunni í barnavernd á landsvísu. Meginmarkmið Barna- og fjölskyldustofu: • Veita framúrskarandi þjónustu í þágu farsældar barna með áherslu á gæðaþróun og stafrænar lausnir. • Vera í fararbroddi í fræðslu og leiðsögn við þá sem veita börnum og fjölskyldum þjónustu. • Veita fjölbreytt og sérhæfð úrræði fyrir börn byggð á gagnreyndum aðferðum. • Stofnunin búi yfir fjölbreyttum starfshóp sem er faglegur og kraftmikill.

Vinnustaðurinn

Sérfræðingur í fósturteymi

Barna- og fjölskyldustofa auglýsir lausar til umsóknar tvær 100% stöður sérfræðings í fósturteymi stofnunarinnar. Starfið felur í sér að sinna lögbundnum verkefnum stofunnar í fósturmálum. Störfin heyra undir teymisstjóra fósturteymis. Starfsstöð er í Borgartúni 29, 105 Reykjavík en starfið krefst þess að viðkomandi geti ferðast um landið vegna starfa sinna. 

Helstu verkefni og ábyrgð

Fræðsla og faglegur stuðningur við fósturforeldra.
Gerð umsagnar um mat á hæfni fósturforeldra.

Halda skrá um fósturforeldra og fósturbörn.

Afgreiðsla, mat og úrvinnsla umsókna frá barnaverndarþjónustum.

Ráðgjöf, handleiðsla og leiðbeiningar í einstaka málum til barnaverndar, annarra fagaðila og fósturforeldra.

Menntunar- og hæfniskröfur

Krafa um meistarapróf í félagsráðgjöf eða sambærileg menntun er Barna- og fjölskyldustofa telur nýtast í starfi.

Þekking og hæfni til að meta upplýsingar um umönnunar- og meðferðarþörf barna.

Reynsla og þekking á starfi barnaverndar og af fósturmálum kostur.

Mjög góð íslenskukunnáttu og góð enskukunnátta í rituðu og töluðu máli.

Framúrskarandi hæfni í mannlegum samskiptum.

Frumkvæði, skipulagshæfni og sjálfstæð vinnubrögð.

Sveigjanleiki og þjónustulund.

Færni til að vinna í teymi.

Frekari upplýsingar um starfið:  

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert. Æskilegt er að viðkomandi geti hafið störf sem fyrst. Við úrvinnslu umsókna gildir mat Barna- og fjölskyldustofu á hæfni og eiginleikum umsækjenda. Vakin er athygli á að stofan aflar sjálf upplýsinga úr sakaskrá áður en viðkomandi hefur störf. Barna- og fjölskyldustofa hvetur alla til að sækja um óháð kyni.  

Með umsókn skal fylgja starfsferilskrá og kynningarbréf þar sem gerð er grein fyrir ástæðu umsóknar og hvernig viðkomandi uppfyllir þær hæfnikröfur sem gerðar eru. Öllum umsóknum verður svarað þegar ákvörðun um ráðningu hefur verið tekin. Allar umsóknir gilda í sex mánuði frá birtingu ef starf losnar að nýju innan þess tíma.  

Fríðindi í starfi 